餃掂手工餃子雲吞專門店

終於捱過第五波疫情，可以出返去晚市堂食，今次想食啲特別嘅嘢，記得將軍澳有一間餃子好出名，疫情之前已經想食啦，今次終於得償所願，佢係位於商場入邊寶琳站一出行5分鐘就到非常方便，我哋由於好肚餓，所以嗌咗好多嘢食，有麥棧雞翼，細份嘅四川芝麻醬撈麵，兩款唔同嘅餃子，壽喜燒牛肉同埋芫荽豬肉餃子，仲有我最鍾意食嘅黑松露糖心蛋，餃子方面兩款都剪得好香口尤其是芫荽豬肉，啲肉汁鎖住係個皮入面簡直係爆汁，而且餡料方面亦都好足料，糖心蛋方面住得啱啱好加上黑松露嘅精華完全係錦上添花，而雞翼正正常常，加上麥棧甜甜地幾開胃。飲品方面我哋嗌咗凍豆漿同埋檸檬薏米水，作為解渴十分一流。其實佢呢間本身都好多分店下次可以試埋其他地區嘅分店。