強小亭

營業中

休息中

好想去打邊爐阿！但係又唔想去傳統既打邊爐，成日都係個啲野真係好悶架，我即刻係openrice搵有咩好食，睇到銅鑼灣有一間令我好想試，叫做強小亭，入面都係日式野，有打邊爐又有燒烤，唯一呢樣就係令我想食，我就咁行入去，即時有店員幫我安排座位，係有服務既，即刻就有得睇野食啦！🙌🏻特選A5和牛燒肉涮涮鍋就係我既心頭好，入得來就梗係要食牛啦，落單之後都係等一陣，慢慢咁放到成枱都係，好豐富咁，就係日式既打邊爐，仲比埋成個鍋，已經有埋湯係度，而佢既湯式望上去好似好清，原來食起上來係咁有味道，又唔差喎！🙌🏻仲有茶碗蒸，係剛剛整好，仲係好熱熱到出煙，上面有兩塊東菇，賣相好吸引，食到有蛋味，同埋好飽肚，跟住飲埋佢既昆布湯，好健康無加任何味精，而又做到清啖又好飲既湯，同埋無諗到佢既沙律都咁大碟，都係好新鮮既沙律菜，而和牛既擺設係好靚，比人有一種好專業既感覺，唔同部位既和牛都會有張紙寫住，不過係用日文寫，分別有臂腰肉蓋、肉眼、前上腿腱、腹脅肉。佢既日式甜品都好食，咖啡一流 ！