Basic Bistro

營業中

休息中

想搵個地方同媽咪慶祝生日，平時同老人家食飯多數食中菜，今次帶佢食西餐。呢間餐廳喺屋企附近，開咗冇幾耐，估唔到有驚喜喎！餐廳唔算好大，都坐得幾舒服，大部份嘢食都好味，價錢仲好抵添，性價比好高。一坐低，侍應就送上一兜炸芋頭脆片，好薄好脆，鹹鹹地，超好味。藍青口份量好足，但唔夠鮮味。Beef burger百幾蚊，好抵食，薯條熱辣辣，脆卜卜。Carbonara意粉個樣麻麻哋，但味道十分好，媽咪最愛。個 Classic Shepherd’s Pie 估唔到咁大份，不過都幾heavy，食唔晒，打包返屋企再食。中間仲發生咗一個小插曲，我細佬唔小心整跌咗杯酒，成杯倒瀉晒落地下，個侍應好快咁埋嚟抹乾淨個地，之後仲重新斟過一杯俾佢，超貼心服務，大讚。最後甜品點咗朱古力心太軟，同埋橙酒班㦸，侍應喺你面前點火，好有儀式感。我同侍應講媽咪生日，叫佢幫我插支蠟燭，佢仲喺上面寫埋Happy birthday，原來個朱古力心太軟冇收我哋錢，話係請我媽咪食嘅，好開心，下次一定會再嚟。