楓．新日本料理 (已易手) 新餐廳

今晚一行4人，決定唔睇餐牌，全部廚師發辦，第一味，刺身拼盤，藍龍蝦爽口彈牙，海膽鮮味十足，配少少白飯一齊食(廚師建議)真系非常美味，不過得兩只差d唔夠分。第二味，廚師介紹為，日式咸魚，正名我唔記得問﹐但系我食完先知，原來條咸魚系喜之次BB﹐味道還好，但我都系喜歡之前食過既汁煮喜之次。第三味，燒銀雪魚﹐非常厚身，魚油豐富，絕無雪藏味，回味。第四味，松葉蟹煲烏冬底，呢個煲，真系好好食，除左好食仲要贊廚師既細心，所有蟹腳已經剪好晒殼，原全唔會食到輪輪盡盡，冇晒儀態。最後結尾，甜品唔少得，芝士年糕，百吃不厭。總結：實在系冇可挑剔的一餐，5道菜4個人食份量恰當，全部食晒唔洗浪費$450/位，價錢合理，只因地點唔太就脚，否則咁既價錢絕對冇可能食到我以上所介紹。我其實已經唔系第一次食，so far食左幾次，真系每次都有驚喜，而且食物水準非常穩定，所以諗住介紹下比多d人知