影片
更多
2009-05-28
15 瀏覽
由於爸爸是端午節前一天生日，過往五年，大時大節前夕於酒樓食飯，唔係要催餸(就算預訂都要催)，就係啲服務員好似"保持通話"入面個王祖藍咁，"幫緊你,幫緊你，唔好嬲"，但唔知佢幫緊你啲咩，結果次次都食到滿肚氣．今年如往常一樣訂三圍，選擇左交通就腳既太子彩福皇宴，可能係專做宴會既關係，四樓裝修以紅色為主，啱哂做牛一既老人家，三圍酒席加二枱麻雀都非常鬆動，每枱皆面對電視，所以方便哂所有追緊"巾幗梟雄"既太太們．菜式方面：選了經理大力推介既:"皇者龍蝦海鮮全包宴"每席$3,680（免收茶芥／加一服務費，及每席四罐啤酒及八罐汽水）， 由於本人亦是於飲食業工作，所以覺得呢個菜單絶對超值，於其他酒樓，此菜單可叫價六仟．菜式包括： 香檳焗龍蝦（每位半邊）：原菜單為上湯焗龍蝦，但見到門口大大個招牌推介，所以就改香檳焗龍蝦，每位半邊用刀叉品嚐，半邊龍蝦有隻骨碟咁大，熱辣辣上枱，個汁好香及Creamy，由於要求唔分菜，一盤龍蝦上枱好夠氣勢．啲大小朋友就叫到嘩嘩聲! 鴻運乳豬全體：個皮夠脆，唔係太肥！ 翡翠帶子蚌仁：整體色水好靚，但就唔係好見蚌仁，好彩啲帶子夠多補番數． 鮮果百花炸蟹拑：個蟹拑夠哂新鮮熱辣，最特
今年如往常一樣訂三圍，選擇左交通就腳既太子彩福皇宴，可能係專做宴會既關係，四樓裝修以紅色為主，啱哂做牛一既老人家，三圍酒席加二枱麻雀都非常鬆動，每枱皆面對電視，所以方便哂所有追緊"巾幗梟雄"既太太們．
菜式方面：選了經理大力推介既:"皇者龍蝦海鮮全包宴"每席$3,680（免收茶芥／加一服務費，及每席四罐啤酒及八罐汽水）， 由於本人亦是於飲食業工作，所以覺得呢個菜單絶對超值，於其他酒樓，此菜單可叫價六仟．
菜式包括：
香檳焗龍蝦（每位半邊）：原菜單為上湯焗龍蝦，但見到門口大大個招牌推介，所以就改香檳焗龍蝦，每位半邊用刀叉品嚐，半邊龍蝦有隻骨碟咁大，熱辣辣上枱，個汁好香及Creamy，由於要求唔分菜，一盤龍蝦上枱好夠氣勢．啲大小朋友就叫到嘩嘩聲!
鴻運乳豬全體：個皮夠脆，唔係太肥！
翡翠帶子蚌仁：整體色水好靚，但就唔係好見蚌仁，好彩啲帶子夠多補番數．
鮮果百花炸蟹拑：個蟹拑夠哂新鮮熱辣，最特別中間用生菜墊底既沙律，落足料有士多啤梨，芒果，蘋果．配熱氣既蟹拑感覺唔錯．
濃湯雞煲鮑翅：唔再食”索索”聲既竹生翅，呢個翅絶對大方得體，材料充足，上枱個砂煲已經感覺高貴，一開蓋見到成隻黃”琴琴”既雞，又一陣歡呼，每位都有一大梳翅，個湯又夠味，唔係太肥，服務員將隻雞另放於大碟，用刀叉係咁易兩界就離骨，估唔到隻雞仲好滑，大家好似食人族咁係咁清埋隻雞，勁！！
碧綠南非鮮鮑魚：請注意唔係鮑片，真係一人一隻茶杯碟咁大既鮑魚，雖然係鮮鮑但用左乾鮑製法，一上枱又係嘩嘩聲，當然冇乾鮑咁香甜，但係用刀叉食喎，即刻又高貴哂！
清蒸大星班：條星班真係好大，小表外甥話未見過咁大個口同埋咁大塊面豬登肉，條魚蒸得啱啱好，居然有人話要叫白飯撈汁添．
脆皮吊燒雞：個皮夠脆，隻雞唔係太大，所以食左咁多嘢後，一樣枱枱清．
海皇金沙炒飯及瑤柱金菇炆伊麵：由於去了洗手間，出嚟既時候以經冇哂啲飯，所以我估唔錯，個麵就夠味同唔係太油．
蟠桃壽包：大壽包，但大小朋友及各老友記一樣仲食得落！！
美點雙輝：好驚喜個粉紅心心棉花糖同個奶油撻，好彩手快，如果唔係又俾啲小朋友食哂！！
服務都好細心，由於小朋友同老人家比較多，佢會好詳細指示啲洗手間位置！！小朋友居然有唔同安排既高椅．適逢有新人試進場VCD，啲小朋友同年青人都跑出去睇，多左樣免費娛樂，佢哋啲AV設備都唔錯!!啲Sales 拍得住酒店場!!準備結婚人仕可以諗吓!!
爸爸生日快樂，身體健康!!
張貼