Shine (已結業)

預計當晚相約10位親友們到尖沙咀食晚飯，一如以往都是在 openrice 搵吓有乜好食，但唔想咁悶又到酒樓，最終搵到一間位於北京道太子集團中心 6/F 的一間西餐廳 Shine，原因一：睇過往食評都有好高的評分。二：相信開在樓上的食肆會無咁嘈。最終無搵錯地方比我遇到一間令我非常滿意的西餐廳，除了食物美味外，餐廳裝修亦非常有品味。當日訂了下午6點半，而之前我已經上了餐廳的 Facebook 睇吓有乜好介紹，最終我都跟 Facebook 內所推介的預訂了一些食物(要留意的就是有些食品是每日限量供應的，所以最好是訂位時預留埋想食的)，當日我準時到達，而餐廳職員已經一早準備好坐位。而親友亦陸續到來，開始時叫了幾杯飲品。當親友到齊後就開餐。可惜見到我最喜愛的珍寶墨汁海鮮飯 $188，一時心急開餐忘記了影，當送上時職員會在飯上淋上火焰，效果相當特出，碟上滿載海鮮，果然是珍寶(留意：是限量供應的)。最後當然是甜品啦。還有 Chocolate Mousse $76 另加一雪榚球 $20及 Tiramisu $58 都非常好味。總括而言非常好味，必定會再到及食佢的珍寶墨汁海鮮飯。