影片
更多
2022-06-23
105 瀏覽
訓訓下教突然紮醒，個心突然好想食米線於事唔理三七二十一，沖左落去食米線！紅橋米線舖越開越多，數落都4，5間，在眾多米線舖中，決定選擇呢間！因為乜野時間都好，入面都係咁多人！入到去有卡位坐已經好幸運了！叫左酸中辣米線 羅白 腩肉！凍奶茶！羅白 煮得岩岩好，夠淋，好甜腩肉 比以前有改善，肥瘦七三比例好完美 仲要冇軟骨，肉夠淋，超好食米線 夠牙，爽口可惜份量太少最後到碗湯，湯先係呢碗野既靈魂夠酸夠辣，佢果種辣唔係辣到要飲野解辣既辣係一路飲，唔想停，直到飲完為止！當然 一路飲 個頭就一路出汗，好過癮！食食下途中，有一位學生妹搭枱食米線！感覺好似情侶般用餐，感覺好得意有左呢位學生妹，侍應就唔會叫我掉枱啦最後就係杯凍奶茶，其實可以唔叫，但加3蚊，冇理由唔飲既味道一般，夠奶味！下次會叫凍檸茶下午茶總數51蚊，滿足到我心癮就足夠唯一敗筆既地方就係食完都唔飽肚....返去繼續訓教了，下次心癮起會再食過
於事唔理三七二十一，沖左落去食米線！
紅橋米線舖越開越多，數落都4，5間，
在眾多米線舖中，決定選擇呢間！
因為乜野時間都好，入面都係咁多人！
入到去有卡位坐已經好幸運了！
叫左酸中辣米線 羅白 腩肉！凍奶茶！
羅白 煮得岩岩好，夠淋，好甜
腩肉 比以前有改善，肥瘦七三比例好完美
仲要冇軟骨，肉夠淋，超好食
米線 夠牙，爽口可惜份量太少
最後到碗湯，湯先係呢碗野既靈魂
夠酸夠辣，佢果種辣唔係辣到要飲野解辣既辣
係一路飲，唔想停，直到飲完為止！
當然 一路飲 個頭就一路出汗，好過癮！
食食下途中，有一位學生妹搭枱食米線！
感覺好似情侶般用餐，感覺好得意
有左呢位學生妹，侍應就唔會叫我掉枱啦
最後就係杯凍奶茶，其實可以唔叫，
但加3蚊，冇理由唔飲既
味道一般，夠奶味！
下次會叫凍檸茶
下午茶總數51蚊，滿足到我心癮就足夠
唯一敗筆既地方就係食完都唔飽肚....
返去繼續訓教了，下次心癮起會再食過
張貼
