佐賀山田 (已結業)

青衣城嘅餐廳都試到七七八八，一直係差呢間，因為見佢係食放題，梗係要肚餓啲先去~ 今晚咁岩係我同男朋友都好肚餓，機會終於嚟啦我哋閑日夜晚七點幾去到，餐廳都已經坐滿左七八成，相信假期會更加多人~ 餐廳幾特別嘅位係有燒肉同火鍋可以揀，區內應該都唔多呢種餐廳~ 選擇困難症嘅我哋都掙扎咗一段時間先決定到，因為兩樣都好似好正咁~ 雖然現場好似食火鍋嘅人多啲，因為湯底選擇都好多，不過今日咁啱我哋都想食啲香口啲嘅嘢，所以決定食燒肉一坐低當然先去拎嘢飲同雪條，選擇都幾多，仲有少少熟食頂下肚先，質素都數錯，期待一陣可以不停食牛~ 好彩上菜速度好快，我哋叫嘅肉好快已經到齊，肉類嘅選擇好多，不過當然我哋都係集中叫澳洲黑安格斯牛肉，脂肪分布都幾平均，食落肉味好濃，唔會太油太漏，鍾意食牛味比較濃嘅人應該會好岩口味期待下次黎可以試下火鍋