影片
更多
2025-02-17
0 瀏覽
數數手指，我哋已經好耐冇坐埋一齊食飯🙂 就襯年初十🧧呢個好日子、出嚟食餐好嘅，開開心心渡過呢個星期五晚上🎉🎉如果你係 #太子區 嘅常客，應該都會知道喺港鐵站D出口附近有間 #人氣西餐廳 「Ownens」，佢哋啲 #甜品 非常出色，而 #麻糬Tiramisu 亦係賣點之一，事隔一段長時間，終於有機會返嚟幫襯☺️呢日我哋叫咗三個晚餐，再加咗兩個小食🤤 #酥炸吉列生蠔 四隻跟餐都只係賣$28，蠔肉飽滿仲非常鮮嫩，炸漿入口唔會太油膩，鍾意食蠔嘅你一定要試🤤 另外叫嘅 #蜜糖柚子雞翼，味道都唔錯，甜甜酸酸嘅柚子醬汁，帶出清新嘅口感🌱至於主食方面，味道同配搭都唔錯㗎🤤🤤#溫泉蛋卡邦尼意粉 🐣🍝溫泉蛋蛋汁融入喺意粉上邊，配上煎香嘅煙肉片，味道層次感更加突出🤤#香蒜白酒煮扁意粉 🍾🍝大大隻嘅蜆肉見到都口水流，用蒜片炒香加咗白酒嘅意粉，零舍惹味🤤#安格斯肉眼牛扒 🐮🥩五成熟嘅安格斯肉眼扒肉質腍滑，上枱嘅時候，牛扒切出嚟仲係粉紅色嘅，沾埋啲芥末再加薯仔肉一齊食，味道相當有水準🤤其實飲埋個 #南瓜餐湯🎃 大家已經飽到一個點，不過完美嘅一餐又點少得餐廳馳名嘅「麻糬Tiramisu」呢？為免浪費，我哋只
如果你係 #太子區 嘅常客，應該都會知道喺港鐵站D出口附近有間 #人氣西餐廳 「Ownens」，佢哋啲 #甜品 非常出色，而 #麻糬Tiramisu 亦係賣點之一，事隔一段長時間，終於有機會返嚟幫襯☺️
呢日我哋叫咗三個晚餐，再加咗兩個小食🤤 #酥炸吉列生蠔 四隻跟餐都只係賣$28，蠔肉飽滿仲非常鮮嫩，炸漿入口唔會太油膩，鍾意食蠔嘅你一定要試🤤 另外叫嘅 #蜜糖柚子雞翼，味道都唔錯，甜甜酸酸嘅柚子醬汁，帶出清新嘅口感🌱
至於主食方面，味道同配搭都唔錯㗎🤤🤤
#溫泉蛋卡邦尼意粉 🐣🍝
溫泉蛋蛋汁融入喺意粉上邊，配上煎香嘅煙肉片，味道層次感更加突出🤤
#香蒜白酒煮扁意粉 🍾🍝
大大隻嘅蜆肉見到都口水流，用蒜片炒香加咗白酒嘅意粉，零舍惹味🤤
#安格斯肉眼牛扒 🐮🥩
五成熟嘅安格斯肉眼扒肉質腍滑，上枱嘅時候，牛扒切出嚟仲係粉紅色嘅，沾埋啲芥末再加薯仔肉一齊食，味道相當有水準🤤
其實飲埋個 #南瓜餐湯🎃 大家已經飽到一個點，不過完美嘅一餐又點少得餐廳馳名嘅「麻糬Tiramisu」呢？為免浪費，我哋只好叫一個開心果口味嘅 #tiramisu 嚟開心share，棉滑嘅口感加埋QQ嘅麻糬，真係冇得輸🔥 最後配埋一杯 #凍檸蜜，讓呢餐畫上完美嘅句號☺️
整體食物質素非常出色，可惜餐廳樓底比較矮，周圍環境感覺有啲嘈😅 但係都唔會阻我再返嚟試埋其他口味㗎😆
📍 #Owens (太子) 砵蘭街412號地舖
張貼
