影片
更多
2021-05-30
15 瀏覽
網上見到餐廳新開張，有$1串燒優惠，就book咗枱嚟一試。餐廳主打關西風「串揚げ」，即係將食材串起後炸到外層脆卜卜。喺香港我未食過呢類串燒，所以好期待。首先點咗凍豆腐做前菜，豆腐口感滑溜，入口清涼，有薑蓉木魚碎等等嘅醬汁清爽，非常適合啱啱坐低個身仲熱熱哋嘅時間食。燒鱈魚干燒到脆卜卜，點蛋黃醬冇得輸啦。炸雞翼食落有啲似名古屋style，係炸完之後再塗上一層薄薄嘅醬油，雞翼外皮香甜，雞肉入味，送啤酒一流。炸串出場了，首先有天使蝦，身嘅部分蝦肉非常彈牙，炸衣好薄，而蝦頭部分就成個都脆卜卜，仲有甘香嘅蝦膏，師傅控制時間同火喉控制得非常好👍🏻炸豬手串好少見，呢度嘅豬手肉質好腍，唔會炸到乾哂，每舊都帶有適量嘅豬皮同脂肪，好食。荷蘭豚肉卷係豚肉包住蔥，同樣炸得啱啱好，咬入去豚肉同蔥嘅部分仍然好濕潤，豚肉味濃，連埋蔥嘅香氣一齊好夾。鮑魚咬開超級軟滑，個心仲食到甜甜哋，佢哋嘅紅酒燒汁帶微酸，沾嚟食可以突出鮑魚嘅甜味，非常推薦。蟹腳入口好驚喜，因為蟹味非常香濃，而師傅亦都可以炸到保持到蟹腳嘅濕潤，同樣非常推薦。蓮藕新鮮爽口，平時我麻麻哋蓮藕都覺得食得過。食完一輪炸嘢我同朋友都未係好飽，就嗌咗啲飽肚嘢🤣 關
首先點咗凍豆腐做前菜，豆腐口感滑溜，入口清涼，有薑蓉木魚碎等等嘅醬汁清爽，非常適合啱啱坐低個身仲熱熱哋嘅時間食。
燒鱈魚干燒到脆卜卜，點蛋黃醬冇得輸啦。
炸雞翼食落有啲似名古屋style，係炸完之後再塗上一層薄薄嘅醬油，雞翼外皮香甜，雞肉入味，送啤酒一流。
炸串出場了，首先有天使蝦，身嘅部分蝦肉非常彈牙，炸衣好薄，而蝦頭部分就成個都脆卜卜，仲有甘香嘅蝦膏，師傅控制時間同火喉控制得非常好👍🏻
炸豬手串好少見，呢度嘅豬手肉質好腍，唔會炸到乾哂，每舊都帶有適量嘅豬皮同脂肪，好食。
荷蘭豚肉卷係豚肉包住蔥，同樣炸得啱啱好，咬入去豚肉同蔥嘅部分仍然好濕潤，豚肉味濃，連埋蔥嘅香氣一齊好夾。
鮑魚咬開超級軟滑，個心仲食到甜甜哋，佢哋嘅紅酒燒汁帶微酸，沾嚟食可以突出鮑魚嘅甜味，非常推薦。
蟹腳入口好驚喜，因為蟹味非常香濃，而師傅亦都可以炸到保持到蟹腳嘅濕潤，同樣非常推薦。
蓮藕新鮮爽口，平時我麻麻哋蓮藕都覺得食得過。
食完一輪炸嘢我同朋友都未係好飽，就嗌咗啲飽肚嘢🤣
關東煮揀咗牛肋肉、蘿蔔、炸豆腐同板魚蛋。牛肋肉超腍超級入味；蘿蔔清甜冇渣入味；炸豆腐細滑；板魚蛋厚度啱啱好好，彈牙有口感，點埋黃芥辣食好有日本便利店嘅感覺😋 關東煮嘅湯汁充滿咗食材煮出嚟嘅甜味，我同朋友都忍唔住係咁飲啲汁。呢個肯定係我人生食過最好食嘅關東煮。
蕎麥麵麵條煮得啱啱好，加上過冷河同隔水做得好好，食到最尾都keep到彈牙嘅口感，呢度嘅沾汁比較淡口同清爽，相信係因為想同油炸嘅主食做返balance。
雜錦飯有帆立貝，熟蝦同大量三文魚籽。三文魚籽好新鮮，一啲腥味都冇，每啖飯入口都食到三文魚籽爆開，超滿足。
overall我對呢餐係超滿意。主菜嘅炸串麵衣薄，每一串師傅都好用心處理，全部時間火喉都控制得啱啱好。另外我估計呢度用嘅油應該有特別揀選過，因為雖然全部都係炸，但入口一啲都唔油膩，淨係食到香脆嘅炸衣同食材本身嘅鮮味。而且每一串炸串上枱嘅時候好乾爽，證明佢哋有俾時間去隔油，呢個細心程度好值得稱讚。雖然$1優惠好快就完結，但相信我之後都會繼續支持👍🏻
張貼
