亞參雞飯 (已搬遷) 新店位置

午餐時間有午市套餐，包飲品幾抵食！叫咗個喇沙湯麵！成日聽人講話個湯底好正，估唔到真係名不虛傳，超級濃郁，帶少少辣味！非常之惹味！材料亦都好豐富，有蝦、魚蛋、豆腐卜、雞蛋～大大碗，超級滿足！今次真係眼闊肚窄，加幾十蚊可以加配小食，忍唔住口嗌咗加央多士同蝦春卷，春卷非常香脆可口，多士又脆口大大嚿牛油非常邪惡⋯都好好食！原來碗麵好大碗，食到一半已經好飽⋯今次真係超級滿足！話梅柑桔梳打⋯酸酸甜甜好開胃，爽！