SABROSA

營業中

休息中

嘢食細份量，但係價錢高。我哋兩個人嗌咗一份前菜share，然後每人各自嗌咗一份主菜，我果份先嚟到，等咗陣，朋友話你不如先食啦，所以就先開餐。我哋一路傾計，我一路慢慢切肉、慢慢食，如是者，都大半個鐘，我差唔多食晒，朋友果碟都未到，於是就問問侍應情況，問完，果位哥哥仔又冇返嚟答覆我哋，咁我哋就等咗陣見到係未到，就再問另一位男經理（應該係），佢聲大大即刻話「你之前問咗囉，我哋逐碟上架，唔好催好唔好。」我哋果時一直非常有耐性、有禮咁詢問職員情況，前後共問咗兩次，就得到咁嘅待遇／回應，服務態度咁都得，其實客人問問情況都係人之常情，以禮待人就唔會係客人心目中留下咁差嘅印象，我都唔會推介任何朋友／再次到訪呢間餐廳。