影片
更多
2024-09-03
121 瀏覽
到底係乜嘢令到一間位置一般嘅台灣餐廳，平日八點幾都仲全院滿坐？“日月堂”喺觀塘興業街唔算起眼嘅工廠大廈之中，有間台灣餐廳非常熱鬧，連店內都企滿排隊嘅人。一打開餐牌，幾十蚊嘅主食、三四十蚊嘅小食、廿幾蚊嘅嘢飲，兼免加一，彷彿返到十年前嘅一樣。當然，平冇用嘅，質素先重要。牛三寶麵 (牛腱肉/牛筋/牛肋條) $80 - 好大碗麵！用料充足，手腱肉大到食兩塊都飽飽地，牛筋好大條，牛肋條實淨爽口，浸埋湯非常入味。講開湯，非常濃，好有牛肉香，好spicy好夠咸香，似乎並冇刻意遷就本地人口味，而盡量做得地道。紅燒豬腳拌麵 $60 - 豬腳皮好大塊，食落好滿足。但佢最大嘅亮點係個拌麵，蔥油香蒜香滿佈，麵條煙靭有實感，食完會覺得好滿足。個人覺得最抵叫係佢。玉米起司蛋卷餅 $38 - 有粟米同芝士坐鎮，基本上好難唔好食。現實上甜鹹兼備，唔會好乾，最重要係夠熱，亦都係非常抵食嘅小食。酥炸魷魚 $48 - 外型唔算特別嘅酥炸魷魚，貴重之處係佢啲粉唔會散開，基本上係完全黐實喺啲魷魚上面。更重要嘅係啲炸粉唔會濕粒粒，亦好乾身，冇乜油滲出嚟。另外叫咗兩杯嘢飲 - 凍黑糖珍珠鮮奶 $34 同 凍仙草奶茶 $28，都係
“日月堂”
喺觀塘興業街唔算起眼嘅工廠大廈之中，有間台灣餐廳非常熱鬧，連店內都企滿排隊嘅人。一打開餐牌，幾十蚊嘅主食、三四十蚊嘅小食、廿幾蚊嘅嘢飲，兼免加一，彷彿返到十年前嘅一樣。當然，平冇用嘅，質素先重要。
牛三寶麵 (牛腱肉/牛筋/牛肋條) $80 - 好大碗麵！用料充足，手腱肉大到食兩塊都飽飽地，牛筋好大條，牛肋條實淨爽口，浸埋湯非常入味。講開湯，非常濃，好有牛肉香，好spicy好夠咸香，似乎並冇刻意遷就本地人口味，而盡量做得地道。
紅燒豬腳拌麵 $60 - 豬腳皮好大塊，食落好滿足。但佢最大嘅亮點係個拌麵，蔥油香蒜香滿佈，麵條煙靭有實感，食完會覺得好滿足。個人覺得最抵叫係佢。
玉米起司蛋卷餅 $38 - 有粟米同芝士坐鎮，基本上好難唔好食。現實上甜鹹兼備，唔會好乾，最重要係夠熱，亦都係非常抵食嘅小食。
酥炸魷魚 $48 - 外型唔算特別嘅酥炸魷魚，貴重之處係佢啲粉唔會散開，基本上係完全黐實喺啲魷魚上面。更重要嘅係啲炸粉唔會濕粒粒，亦好乾身，冇乜油滲出嚟。
另外叫咗兩杯嘢飲 - 凍黑糖珍珠鮮奶 $34 同 凍仙草奶茶 $28，都係好飲解渴之選。
最後俾多個提示，喺紙上面寫”走青”、”少甜”，餐廳都係會好有心跟指示做。我諗”質素”加埋”有心”，就足夠令到全場爆滿了。
張貼
