G.A.C. Home Cafe & Restaurant (已結業)

今日係公眾假期，想搵附近既黃店食，然後就search到呢間！今日係公眾假期，都有Holiday lunch set，包湯、麵包同野飲，抵食又好味 😋今日既餐湯：紫薯湯 🥣好特別，第一次飲紫🍠湯，又真係幾好味！然後仲配搭埋竹炭麵包！係自己製既麵包，好有心思！上既時候，個包仲有少少脆、熱既！再配搭埋用🍋皮做既醬，好味！主菜：白酒忌廉汁肉丸烏冬呢個主菜可以揀烏冬或扁意粉，而我就試左烏冬，出奇地好味！上面再有少少飯素，好夾！係覺得忌廉多左少少，可以落返少啲，咁就無咁膩～ 不過個味道係好既 😋餐飲：熱咖啡好大杯 🙈 重點係，佢俾既奶係熱架！好難得有餐廳會咁樣加熱啲奶，好貼心！整體而言：係一間好值得支持既小店，仲要係好食既💛店，無唔幫襯既理由！絕對對得起個價錢，好有心做每一樣食物！會再黎幫襯 ☺️