影片
更多
2015-01-30
8046 瀏覽
聖誕大歺想食啲特別啲既野，唔想成日都係据扒或食risotto果啲，係openrice睇左好耐，最後決定食呢間非一般西班牙菜。對西班牙菜既印象通常都係西班牙海鮮炒飯Paella同小碟Tapas，但呢間餐廳就打破左故有既傳統，菜式係特別設計，非常創新。至於好唔好食，其實就好見人見智。聖誕節正日反而冇乜客，餐廳係地牢入面，環境佈局走品味路線，但燈光實在係太暗，聖誕節泥講就欠缺咗一份生氣。聖誕大餐餐牌fix 死左，乜都唔洗簡，$588 十道菜，餐牌只有西班牙文，唔係好睇得明，由於唔知係乜，所以對每道菜都好期待。一般既Sangria一定係紅酒做底。但佢既Sangria就有4種：red, white, rose, sparkling，非常特別。叫左杯Sparkling, 有驚喜。酒味濃得泥唔會苦澀，甜度剛好。有時一啲冇水準既Sangria用得太多糖水開稀啲紅酒搞到杯野好淡，但佢就好明顯落足份量。通常Sangria都係落蘋果同橙粒，但佢係用檸檬同青瓜，飲落有種清新既感覺。Cocktail: Zafran Special失望，望落去就幾靚，用紅莓汁做底。可惜飲落去味道太淡，甜又唔係甜，酸又唔係甜，酒味
聖誕大歺想食啲特別啲既野，唔想成日都係据扒或食risotto果啲，係openrice睇左好耐，最後決定食呢間非一般西班牙菜。
對西班牙菜既印象通常都係西班牙海鮮炒飯Paella同小碟Tapas，但呢間餐廳就打破左故有既傳統，菜式係特別設計，非常創新。至於好唔好食，其實就好見人見智。
聖誕節正日反而冇乜客，餐廳係地牢入面，環境佈局走品味路線，但燈光實在係太暗，聖誕節泥講就欠缺咗一份生氣。
聖誕大餐餐牌fix 死左，乜都唔洗簡，$588 十道菜，餐牌只有西班牙文，唔係好睇得明，由於唔知係乜，所以對每道菜都好期待。
一般既Sangria一定係紅酒做底。但佢既Sangria就有4種：red, white, rose, sparkling，非常特別。叫左杯Sparkling, 有驚喜。酒味濃得泥唔會苦澀，甜度剛好。有時一啲冇水準既Sangria用得太多糖水開稀啲紅酒搞到杯野好淡，但佢就好明顯落足份量。通常Sangria都係落蘋果同橙粒，但佢係用檸檬同青瓜，飲落有種清新既感覺。
Cocktail: Zafran Special
失望，望落去就幾靚，用紅莓汁做底。可惜飲落去味道太淡，甜又唔係甜，酸又唔係甜，酒味又唔係濃，形成左一種唔知佢想點既感覺。
火腿
好味。排得好靚，食落好乾身，好夠香。
鵝肝Lollipop
特別，但食落去有種唔知食緊咩既感覺。1粒小小嘅鵝肝醬粒出面沾滿咗好新鮮嘅開心果碎粒。佢係用1枝長竹籤插住，但由於質地太軟好快就跌左落泥。質感就似食緊一粒好滑既朱古力mousse, 但味道變左係鵝肝醬，唔咸唔甜咁，有啲怪。
海鮮沙律
有驚喜！其實望落去真係唔知咩泥，但一食落口就食到新鮮刺身味。所有食材都好新鮮，入面包括有帶子，牛油果，旦。所有野切成細粒。醬汁既味道並唔會蓋過左其他材料，反而令佢地味道更特出，海鮮好鮮甜，配合牛油果同旦，味道出奇地夾。
炸薯波
讚！有2粒係煙肉，2粒係野菌。雖然係炸，但一啲油膩感都冇。出面層炸皮好夠薄，脆得泥唔會硬。入面既薯溶熱辣辣，口感非常軟滑，味道濃郁。
八爪魚
味道非常之怪。八爪魚大大粒，上面有一層海膽味既mayonnaise，下面就有一層南瓜溶。呢三樣野放埋一齊擺入口無論口感定味道都唔太匹配，而且仲有啲乾。海膽味mayonaise食唔出有海膽味而且仲幾難食。個人認為呢道菜太花巧，反而浪費左八爪魚本身。咁新鮮既八爪魚其實用返一般油浸既做法已經可以好好味。
辣肉腸
普普通通。濃郁同濃烈有時只差一線，佢既肉腸味道非常之濃，濃得有點烈。而且辣油好嗆喉，食落唔太舒服。
火雞串
幾好味。燒得好有心機，火候控制啱啱好，火雞肉一啲都唔會乾而且仲幾滑。食落有香烤味。
餐廳招牌菜：西班牙式乳豬
非常有驚喜。驟眼望落去咪普通中式乳豬，點知一放入口有"嘩!"一聲既感覺。非常幼滑juicy，脆皮同肥膏同肉既比例非常好。皮好薄，脆得泥唔會硬，好有口感，肥膏既厚度比層皮厚小小，充滿油香。至於肉既口感非常淋滑，唔會好似有時啲火候控制得唔好既中式乳豬咁食落乾憎憎。配上佢特制既燒汁巧妙地將味道昇華。佢仲有另一款醬汁：蘋果汁。唔係飲果啲，係蘋果醬汁。質地好杰身，好清香嘅蘋果味，非常天然，好好味。相信呢度小小既蘋果醬汁已經用上左好多好多蘋果肉。至於呢款汁同燒肉夾唔夾，我就覺得一配，就咁食啲蘋果汁好味啲。食到呢度已經非常飽濟，只係食到一嚿然後已經食唔落。
甜品：雲呢嗱雪糕配香橙白朱古力汁
雪糕太過溶，似係食緊mousse多啲, 但唔知係咪西班牙式雪糕喺咁㗎呢。不過味道真係一流！香橙朱古力汁非常細滑，味道唔會過甜。連唔中意食橙味朱古力既我亦出奇地將佢食唒。
侍應好有禮貌，但唔夠細心。點火雞串嘅醬汁我都未開始用，佢就已經極速收走左。
食得出大廚對食物質素既要求，亦感覺到佢花左好多心思系每一道菜，更睇得出佢唔只當食物係食物，仲當佢地係藝術品咁，追求更高既層次。雖然話就話係西班牙菜，但有部分菜式似乎係走分子料理果邊，始終啲咁新穎嘅嘢未必個個like。呢個價錢食咁上等嘅菜式唔算太貴，未試過嘅可以一試。
張貼
