影片
更多
2012-12-10
1444 瀏覽
早有聽聞女人街兩邊有好多食肆，仲有多間大眾化日式鐵板燒添，既然今晚突然取消飯局，咁就係附近搵食啦 ﹗望望 menu，好多野想食，花多眼亂，除和牛外，各海鮮套餐都每只都係 HKD100 - HKD500，價錢好實惠。仲未諗到食咩，叫杯朝日朝朝去先 ﹗環境都坐得舒服，有兩個鐵板，空氣都好流通。今日星期一閒日飯巿食客都不多，夠清靜。 幾經辛苦，終於揀到個薄切安格斯、活鮑魚套餐喇 ﹗兩個人埋單套餐連幾款散叫刺生都係六百左右，真係好平喎。 麵豉蜆湯，一開波就飲湯？食開既日式鐵板燒都會將湯放係中段，可以清清味蕾同去一去油膩感先再下半場。依碗湯似層相識，係即沖日本麵豉湯包連蜆肉喎，味道真係一模一樣，以前係超巿買過三文魚刺生，顏色有光澤，脂肪紋都平均，夠新鮮，味道只有淡淡既甜味，未算最肥美、未到最鮮甜，還可以啦。 胡麻醬豆腐沙律，室溫，唔夠凍喎。胡麻醬有點稀，可能豆腐出水了 ﹗胡麻醬不香不濃，有點失望。活赤貝刺生，依個真係超水準呀 ﹗新鮮到不得了，溫度夠凍，味道鮮甜無比，非常爽口，越食越想食 ﹗散叫 HKD60 左右，物有所值。 師父開始煮第一味喇，銀鱈魚先 ﹗銀鱈魚，真係鮮嫩多汁喎，外層煎得香香的，
麵豉蜆湯，一開波就飲湯？食開既日式鐵板燒都會將湯放係中段，可以清清味蕾同去一去油膩感先再下半場。依碗湯似層相識，係即沖日本麵豉湯包連蜆肉喎，味道真係一模一樣，以前係超巿買過
三文魚刺生，顏色有光澤，脂肪紋都平均，夠新鮮，味道只有淡淡既甜味，未算最肥美、未到最鮮甜，還可以啦。
胡麻醬豆腐沙律，室溫，唔夠凍喎。胡麻醬有點稀，可能豆腐出水了 ﹗胡麻醬不香不濃，有點失望。
活赤貝刺生，依個真係超水準呀 ﹗新鮮到不得了，溫度夠凍，味道鮮甜無比，非常爽口，越食越想食 ﹗散叫 HKD60 左右，物有所值。
師父開始煮第一味喇，銀鱈魚先 ﹗銀鱈魚，真係鮮嫩多汁喎，外層煎得香香的，裡面充滿肉汁又濕潤，配菜茄子同脆肉瓜都好好味 ﹗
鮮活鮑魚，見到好生猛啊 ﹗依然係鐵板上面跳晒舞咁，師父仔將佢煎到半熟時就剝殼同去掉內臟，我由細到大最鍾意就係食鮑魚同貝殼類內藏架，口感同豬潤雞潤差不多，海鮮味道濃郁，好好味架 ﹗不過師父已經將內臟掉左咯，剝殼同去掉內藏，切成鮑魚片落點牛沖就差不多可以上碟喇。配生蔥同炸蒜蓉同吃，撈埋香口炸蒜蓉既蔥半點都唔腥喎，連我咁怕蔥都食到，鮑魚好彈牙又鮮味。
薄切安斯牛扒，真係估唔到薄到依個地步，絕對係 shabu shabu 厚度，約有 2-3mm 到啦 ﹗重諗緊咁薄可以點食呀，原估計薄切會跟一般西餐廳薄牛扒既厚度差不多添。我要食 3 成熟，師父只需要輕輕煎一煎，就要快速卷上炸蒜蓉同香蔥，包實再反轉再分段，即上碟 ﹗食落比想像中香口美味，牛肉味濃，肉汁都唔少，牛肉再厚多一點點會更好 ﹗正確應該叫做香蒜安格斯卷，味道好配合，都唔差喎，好味 ﹗
日式牛肉炒烏冬，本身個餐係跟炒飯，但我兩個對飯都麻麻地，唔洗錢轉炒烏冬當然好啦 ﹗見師父落少許牛肉片、椰菜、芽菜、櫻花蝦、甘筍絲、一個烏冬、醬油，兜混上碟，快靚正 ﹗味道一般啦，只食到甜甜的醬油味。
日式炒什菜，到最後先炒什菜，我對日式炒什菜一向麻麻。油份多了點，而且椰菜同芽菜我都唔多喜歡食的啊。
最後食埋個甜品搞掂，我食綠茶雪糕，口感水汪汪。朋友食雞蛋布丁，質感幾硬實吓喎，味道麻麻。
張貼
