影片
更多
2015-01-21
883 瀏覽
一踏入秋冬季，火鍋以外，另一香港地道名物就喺煲仔飯。其實依家一年四季都可以食到煲仔飯，而所有臘味產品，無論臘鴨、臘肉定臘腸，都無分季節有得供應，不過，食嘢有時又要講意境，晌冬天食煲仔飯就寧捨滋味 ，咁！今個冬季，你又食咗煲仔飯未？奇華作為本地老餅家，亦賣咁多傳統食品，又點會無臘腸、膶腸嘅蹤影吖。奇華不單喺本地老字號，亦強調香港製造，晌黑心食品充斥嘅世道，予人更有信心 。所以，一個品牌嘅建立唔容易，希望佢哋都繼續堅守住 。今年奇華嘅「鮮肉臘腸」及「鮮肉膶腸」禮盒，以棗紅及深啡色作代表，並配以凹凸熨紋塑造砂鍋與臘腸造型，簡潔敦厚。屋企人對臘味嘅興趣一般，小弟就算喺無任歡迎，但相對地，就較喜歡膶腸嗰種「腎腎哋」嘅口感 。一盒「鮮肉臘腸」禮盒共有10條臘腸，而「鮮肉膶腸」禮盒則有8條膶腸，兩者均定價$168 / 盒，同樣都以真空包裝，打開內盒，都有段簡單介紹：「以本地優質豬上肉及逵口鴨肝，配以頂級玫瑰露酒及特製醬油，注入天然脆薄腸衣中」製成。晌屋企搞「煲仔飯」不及整「飯煲飯」方便，奇華都驚你唔知幾時先放啲臘腸 / 膶腸落飯煲度，盒內有張說明，提提最佳食法 。誠然，放晌米飯上同時蒸煮，
奇華不單喺本地老字號，亦強調香港製造，晌黑心食品充斥嘅世道，予人更有信心 。所以，一個品牌嘅建立唔容易，希望佢哋都繼續堅守住 。
今年奇華嘅「鮮肉臘腸」及「鮮肉膶腸」禮盒，以棗紅及深啡色作代表，並配以凹凸熨紋塑造砂鍋與臘腸造型，簡潔敦厚。屋企人對臘味嘅興趣一般，小弟就算喺無任歡迎，但相對地，就較喜歡膶腸嗰種「腎腎哋」嘅口感 。
一盒「鮮肉臘腸」禮盒共有10條臘腸，而「鮮肉膶腸」禮盒則有8條膶腸，兩者均定價$168 / 盒，同樣都以真空包裝，打開內盒，都有段簡單介紹：「以本地優質豬上肉及逵口鴨肝，配以頂級玫瑰露酒及特製醬油，注入天然脆薄腸衣中」製成。
晌屋企搞「煲仔飯」不及整「飯煲飯」方便，奇華都驚你唔知幾時先放啲臘腸 / 膶腸落飯煲度，盒內有張說明，提提最佳食法 。誠然，放晌米飯上同時蒸煮，真喺乾手淨腳，啲腸油又滲進飯內，令飯粒帶著油脂甘香。
搵嚟炒菜、蒸飯當然做過啦，不過，有時飲食嘅嘢都要搞吓實驗，左碰右撞，睇睇有無機會擦出火花。飯煲蒸臘腸、膶腸就食咗好幾餐，當臘腸、膶腸遇上意大利粉，你又覺得點呢 ？趁老婆唔返嚟食，得一支公，就算失敗咗都唔使搵人陪葬，安心亂試 。
查實，啲臘腸、膶腸都幾肥，腸衣之下清楚睇到一小粒一小粒肥膏，切成片狀就更加明確，不過，佢哋蒸完之所以咁甘香就喺因為啲肥膏，就正如啲豬油渣咁，香！但肥。
為咗幫佢哋「減肥」，先大火煎香，並順便逼啲肥油出嚟，第一步減肥算喺成功，逼出唔少油份。而意粉一般都會下鹽及油去煮，依個步驟就用返少少「腸油」，唔使嘥吖嘛，烚到9乘熟轉鑊再以少少「腸油」去炒，落多少少香草提味，之後就可以捲起上碟，臘腸、膶腸放兩側擺番靚仔啲 。
對於碟臘、膶「腸」意「粉」，味道都真喺唔錯喎，意粉有朕朕油脂甘香，煮得啱啱好，夠咬口；臘腸、膶腸滲出玫瑰露嘅酒香，尤其膶腸，鴨肝蜜潤有質感。不過，老老實實，都仲有幾個地方要改善，一人份量嘅意粉配一條臘腸及一條膶腸，腸嘅份量實在太多；其次，兩款腸都唔可以煎太耐；最後一點，加番啲菇菌一來可以嗦吓油，二來食起嚟無咁寡，下次再煮一定會更好。
雖然真喺咩時間都可以買到臘腸、膶腸，不過，天冷之時用嚟送俾親友，就特別應景啫，正如農曆新年嚟食月餅，唔OK呀嘛 ！
張貼
