影片
更多
2018-08-11
42 瀏覽
肥妹仔我成日都會去一啲連鎖店食pizza，但係就好少去一啲正宗嘅小店食意大利薄餅，難得今晚肥妹仔有位同事想食喺灣仔嘅一間正宗意大利pizza，肥妹仔梗係say yes去啦!!!!一入到門口肥妹仔已經聞到一陣好香嘅薄餅味，因為佢嘅薄餅係喺門口位置即叫即整，見到個店員即場喺度拉個薄餅，再塗上芝士同蕃茄醬，真係未食已經流曬口水~意大利媽媽肉醬千層麵 $139肥妹仔去連鎖店都會叫肉醬千層麵，難得嚟到一間食正宗意大利薄餅嘅餐廳，有點會唔試下呢？碟千層麵一上到枱，見到啲蕃茄醬同芝士仲係沸騰。塊麵包烘得非常脆， 沾上番茄醬同芝士食一流!! 基本上呢個千層麵全碟都係肉醬味同芝士味主導， 但不得不提佢嘅肉醬非常香 ，但係個醬汁非常多，每食一啖麵都食到濃濃番茄醬味同芝士味，而且拉絲嘅感覺亦都好澎湃!!!Half/Half ~ 煙三文魚芝士& 暴龍 13吋 $160貪心嘅肥妹仔同同事商量後決定叫half halfpizza，咁就可以一次過試曬兩款唔同嘅口味!肥妹仔我揀咗煙三文魚芝士，煙三文魚芝士係有煙三文魚同兩款唔同嘅芝士，個base就都係番茄醬， 煙三文魚嘅份量好多， 每一塊pizza都食到三文魚同芝士，
一入到門口肥妹仔已經聞到一陣好香嘅薄餅味，因為佢嘅薄餅係喺門口位置即叫即整，見到個店員即場喺度拉個薄餅，再塗上芝士同蕃茄醬，真係未食已經流曬口水~
意大利媽媽肉醬千層麵 $139
肥妹仔去連鎖店都會叫肉醬千層麵，難得嚟到一間食正宗意大利薄餅嘅餐廳，有點會唔試下呢？碟千層麵一上到枱，見到啲蕃茄醬同芝士仲係沸騰。塊麵包烘得非常脆， 沾上番茄醬同芝士食一流!! 基本上呢個千層麵全碟都係肉醬味同芝士味主導， 但不得不提佢嘅肉醬非常香 ，但係個醬汁非常多，每食一啖麵都食到濃濃番茄醬味同芝士味，而且拉絲嘅感覺亦都好澎湃!!!
Half/Half ~ 煙三文魚芝士& 暴龍 13吋 $160
貪心嘅肥妹仔同同事商量後決定叫half halfpizza，咁就可以一次過試曬兩款唔同嘅口味!肥妹仔我揀咗煙三文魚芝士，煙三文魚芝士係有煙三文魚同兩款唔同嘅芝士，個base就都係番茄醬， 煙三文魚嘅份量好多， 每一塊pizza都食到三文魚同芝士，鐘意食海鮮嘅肥妹仔表示好滿意~ 暴龍最主要係有兩款意大利辣肉腸，佢嘅辣肉腸好香黑胡椒味，而且一啲都唔會過鹹，鍾意食意大利辣肉腸嘅朋友一定要試!!
凍檸茶 $28
肥妹仔至愛，次次出街食飯一定會嗌杯凍檸茶。
Nest Beer $55
呢款啤酒係由個店員哥哥介紹肥妹仔同同事飲嘅，佢唔似一般嘅啤酒只有麥香味，佢會飲落多種多咗一種果香-香蕉味，每一啖飲完之後都會飲得出有香蕉味同奶油味，好特別嘅啤酒。
張貼
