鳳城酒家 (已結業)

好朋友要到外地遊學，臨别搞返個飯聚，揀左朋友愛吃既中菜館-"鳳城酒家"！"鳳城"屬於老牌酒家，點心及晚飯小菜出名好食，搞手還特別訂定百花蟹鉗及蓮蓉焗西米布甸 呢!一圍大枱, 坐足十五人，剛剛好呢……1. 乳豬拼盤 : 侍應姐姐既推介，乳豬皮脆肉嫩，拼海蜇生腸，海蜇爽囗，估唔到 生腸勁厚身爽脆, 連怕食生腸既朋友都大讚very good!2. 蟹肉蛋白燉翅 : 好大塊蟹肉 呀! 囗感清甜鮮味。3. 煎蓮藕餅 : 每一啖都食到粒粒爽甜既馬蹄及爽脆既蓮藕碎!4. 蝦多士 : 多士夠鬆化酥脆, 蝦肉爽囗彈牙!5. 菠蘿咕噜肉 : 脆卜卜，啖啖肉無咩骨，酸甜醒胃，下飯超正！6. 梅菜扣肉 : 梅菜夠入味, 扣肉滑溜但肥而不膩, 入囗酥爛！7. 百花蟹鉗 : 成88蚊 一隻架, 乾身香脆勁大隻，蟹肉香甜。8. 炒桂花翅 : 炒得乾身，蛋及配菜夠香，入囗濕潤, 但無咩特色!9. 時菜炒鮮魷 : 鮮魷爽口彈牙。10. 涼瓜炒鱔球 : 鱔球新鮮肥美，涼瓜苦中帶甘，清新又消膩!11. 生菜包 : 松子碎肉味道一般化。12. 炸子雞 : 皮簿兼外脆内嫩滑。13. 大良炒鮮奶