小甜谷 Dessert Kaffee (已結業)

呢間餐廳我都係第一次黎，同朋友行街無意中經過，見間店個名叫小甜谷咁得意，外面貼嘅野食同甜品又好吸引，就入去試下。店入面嘅裝修都好靚，牆上面同本menu都係d得意圖案，桌椅都係圓形架，感覺好可愛，實在係非常適合打卡呃like嘅好地方。睇佢地嘅menu真係花多眼亂，樣樣都好想試，揀左一輪，最後叫左一份西冷排餐同一杯宇治抹茶牛奶沙冰。西冷排肉質幾嫩，配上特製醬汁，味道好好，好入味，配菜竟然有蘆筍，仲有d蕃茄同沙律菜，真係好食又健康。朋友叫嘅餐都唔錯，炸雞翼好香脆，炸到熱辣辣嘅薯條配上d芝士醬汁，非常「芝」味，好正！宇治抹茶牛奶沙冰，呢杯沙冰真係啱哂我呢個抹茶同牛奶控，抹茶加上牛奶，真係配合得天衣無縫，香濃嫩滑嘅口感，真係非常好飲！香蕉朱古力沙冰，朋友都話好好飲呀，我聞到都好香香蕉同朱古力味，睇個賣相都應該唔錯！下次一定要再黎呢間餐廳，環境食物同服務都非常好！