佳記甜品 (已搬遷) 新店位置

同朋友晚上去食糖水，因為呢間最近我地，以前試過b 仔涼粉覺得雖然無乜特別，但都唔係差，咁就黎再幫襯，結果就中伏了。我地試左芒果杏仁豆腐，冰丸杏仁豆腐，芒果糯米卷同埋芝麻糊湯圓。芒果同杏仁豆腐都係伏中之伏，啲芒果雖然多但係好酸，一啲都唔甜。杏仁豆腐更加係是日亮點，明顯只係杏汁大菜糕，同相像中的軟滑豆腐大相逕庭，說好的豆腐呢? 而且就咁加一啲生果係果塊杏汁大菜糕面，完全係格格不入，整個感覺很奇怪。不過朋友食嘅傳統糖水就正常水準，無咩問題。已經將呢間野列入黑名單，一啲製作食物的熱誠都沒有，以後唔會幫襯了。