嚐味喇沙 (已結業)

今日約左朋友來將軍澳行街,見到新都城新開左一排食肆,每間鋪都裝修得好靚,間間都想食,但朋友話想食 喇沙,所以晚餐就咁決定左!!餐廳的裝修由外到內都色彩奪目,光線充足,但部分位都坐得比較貼,隔離枱講咩完全聽到哂,咁岩今次我們被安排在落地玻璃位,外面充滿著搭扶手電梯的人,感覺上幾百對眼睇住我們食野,食得有點唔自在!Menu圖文並茂,有飯有河粉,檬粉,米粉,米線等選擇,因為我們入來已決定唔食飯,所以只睇粉類!<豬頸肉喇沙龍蝦湯摻摻> 摻摻係油麵及米粉的混合,面條好彈牙,口感的確不錯,薄切豬頸肉容易食,唔會好韌!!但龍蝦湯蓋過了喇沙的味道,湯底比較稀!<冬陰功海鮮湯河> Menu上寫左有2隻辣椒,以為會好辣,點知連少少辣味都無,冬陰功湯底同喇沙一樣咁稀,完全唔覺得自己係食緊冬陰功,河粉雖然好滑,但煮得太淋,海鮮一般般,蝦唔算好新鮮,沒有爽口的感覺!整體來講,同我想像中有落差,希望將來餐廳水準可以再提升!