韓食媽媽韓國料理

營業中

休息中

呢間餐廳午飯時間都幾多人，所以預先就打電話book定枱，一去到就有得入。佢午市選擇唔係好多，有泡菜鍋飯，炸醬麵，我就揀咗比較養生嘅人蔘雞set。上枱係非常之滾，要小心掂到個鍋，唔係會辣親。人蔘雞仲有啲糯米，食落去有人蔘味，雞肉都非常嫩滑。套餐仲有一碗飯，其實就食得非常之飽，因為已經有湯有雞有糯米，仲有一碗飯。其實呢個套餐啱慢慢嘆，好似我返工放lunch嚟食，要趕住食就冇咁嘆啦，因為個鍋真係好熱，夏天食直情食到出晒汗添。餐廳侍應部份係韓國人，都非常友善。同行有人食嘅泡菜鍋飯都非常正宗，呢間韓國餐廳可以再試。