醉忘魚屋 (已結業)

位於銅鑼灣嘅上樓居酒屋，日式風格木系裝修，餐廳唔大最好book枱~ 🔘日出唔係凍蕃茄咁簡單，起咗蕃茄肉再將佢做成啫喱，外層係蕃茄裏面係啫喱，第一次食到呢個做法，酸酸甜甜清爽開胃~ 🔘吞雲吐霧有煙燻效果，啱晒打卡，食嘅時候有淡淡的蘋果木香，紫菜天婦羅同芝士，香口嘢佐酒一流~🔘秋刀魚刺身是日最愛菜式，賣相非常靚，平時唔打卡嘅朋友都要影相，聰明地用上魚肉本身嘅顏色砌咗朵花出嚟，非常精緻，魚肉結實一啲都唔腥，高質~🔘三點貝刺身盛赤貝同北寄貝外表帶光澤，食落肉質爽脆，帆立貝肉厚，鮮味十足~🔘博多黃金玉子三層甜甜的黃金玉子，中間夾咗蝦滑，感覺有少少似食緊鬆軟版嘅蝦多士~😂😂🔘極上鹽燒牛舌🔘荔枝煙肉卷🔘手羽先🔘冬菇牛舌juicy，煙肉卷我覺得非常好食，鹹甜口感，荔枝好甜仲好多汁~ 整體串燒都好有水準，香口得來唔會燒到乾晒，調味都係啱啱好~🔘白燒鰻魚🔘太刀魚汁燒鰻魚肥美燒到個皮脆脆地，口感極佳，太刀魚啖啖肉之餘又有魚油香氣，個醬汁同條魚好夾，好少見到居酒屋有咁多款燒魚選擇，應該係師傅拿手嘅菜式，建議一定要試吓燒魚~食物質素比想像中更加好，前菜、刺身同串燒全部都好高質，唔止好味，仲要擺盤都好靚，黑板寫住