forte (已結業)

之前老闆萬歲嚟過嚟呢間如心艾朗酒店度食 semi buffet lunch，猶記得品質都相當出色，今日適逢好友生日， 就同佢嚟呢度慶祝。餐廳位於如心艾朗酒店嘅二樓，適逢佢哋做緊個b.duck嘅event，除咗場地充滿住啲得嘅b.duck蹤影之外，就連餐墊同埋紙巾都有b.duck個樣㗎，啱哂我呢啲妹豬打卡呃like。雖然係semi buffet，但係嘢食嘅種類都非常繁多，冷盤有各式凍海鮮，cold cut，多款芝士，日式壽司刺身，各國沙律，比較特別嘅仲有個四川口水雞添，熱食方面有椰子雞湯同羅宋湯，各式炸物，有成十二款口味嘅焗生蠔，仲有由專人即製嘅清酒煮蜆，泰式咖哩大蝦同埋超巨型芝士意粉。凍海鮮每樣都攞少少嚟試下，最出色嘅要數蟹長腳蟹同埋海蜆，前者肉質鮮甜，後者有住意想唔到嘅海水味，另外凍蝦個蝦頭都有勁多橙色嘅蝦膏，屬於必食之作。呢個流心麻醬溫泉蛋係前菜之中我最鍾意嘅，廚師將溫泉蛋嘅熟度掌握得啱啱好，蛋汁喺口入面遊走，加埋麻醬嘅香味，無敵。 沙律菜都有成十幾款，不過今日回本先決，平時好鍾意食菜嘅我都忍痛無夾到，不過目測就非常新鮮，好咁吸引架。 刺身同壽司夾埋又有成十幾款，全部都相當新鮮。