影片
更多
2018-11-06
70 瀏覽
今日同媽媽嚟咗呢間新開嘅OMAKASE，雖然價錢唔平，但係好少機會同媽媽DINNER就決定食好啲！先嚟嘅係3品前菜，賣相好靚，仲有2片好有秋天氣息嘅紅葉添！入面有安康魚玉子豆腐、白毛貝同茄子素麵，安康魚玉子豆腐好特別，質感有啲似魚肝～再嚟就係右口魚刺身配酸汁，好爽口～海膽杯配純菜，真係好幸福，純菜幾得意，加埋海膽好夾！粒貝，有咬口！秋刀魚有生嘅，亦有熟嘅，旁邊仲有榨菜可以清下喉嚨，師傅話而家係食秋刀魚嘅季節，我自己就揀喜歡生個隻！鮑魚，要沾鮑魚醬～淨咗嘅醬仲會俾多粒飯送埋添劍魚2食，配上20日蘿蔔～吉列和牛，職員同我哋講係用低溫慢煮30秒，再炸1分鐘。加埋松露係面，更加香！和牛食落真係好香牛味，亦都好軟腍～好鍾意！壽司方面：小白蝦，係柚子味嘅，甜甜酸酸，好食～北寄貝，亦有柚子醬～金目鯛，入口即溶！牡丹蝦，大大隻～鰤魚，即野生油甘魚，好香～毛蟹海膽，口感好豐富～天然大TORO~松露雞湯，熱辣辣最後係靜岡蜜瓜，好甜呀！整體嚟講，食物真係非常好食，一分錢一分貨，而且絕對夠飽，另外餐廳職員嘅服務亦非常好，好有禮貌！
先嚟嘅係3品前菜，賣相好靚，仲有2片好有秋天氣息嘅紅葉添！入面有安康魚玉子豆腐、白毛貝同茄子素麵，安康魚玉子豆腐好特別，質感有啲似魚肝～
再嚟就係右口魚刺身配酸汁，好爽口～
海膽杯配純菜，真係好幸福，純菜幾得意，加埋海膽好夾！
粒貝，有咬口！
秋刀魚有生嘅，亦有熟嘅，旁邊仲有榨菜可以清下喉嚨，師傅話而家係食秋刀魚嘅季節，我自己就揀喜歡生個隻！
鮑魚，要沾鮑魚醬～淨咗嘅醬仲會俾多粒飯送埋添
劍魚2食，配上20日蘿蔔～
吉列和牛，職員同我哋講係用低溫慢煮30秒，再炸1分鐘。加埋松露係面，更加香！和牛食落真係好香牛味，亦都好軟腍～好鍾意！
壽司方面：
小白蝦，係柚子味嘅，甜甜酸酸，好食～
北寄貝，亦有柚子醬～
金目鯛，入口即溶！
牡丹蝦，大大隻～
鰤魚，即野生油甘魚，好香～
毛蟹海膽，口感好豐富～
天然大TORO~
松露雞湯，熱辣辣
最後係靜岡蜜瓜，好甜呀！
整體嚟講，食物真係非常好食，一分錢一分貨，而且絕對夠飽，另外餐廳職員嘅服務亦非常好，好有禮貌！
張貼
