影片
更多
2022-01-08
69 瀏覽
最近夜晚禁咗堂食 女朋友突然間話想打邊爐 我哋weekend brunch 去咗朋友介紹位於荃灣大鴻輝中心21樓既「蘇潮韓海」 呢間餐廳除咗有中式炒粉麵飯之外 原來仲有火鍋！！睇完啲相之後你就會明白點解我哋夜晚連晚餐都唔使食首先「蘇潮韓海」真係要比100 個讚 唔係誇張 間餐廳環境非常好 座位舒服闊落 望出去個景真係好relax 同女朋友去一齊去食野影相打卡 真係無得頂 仲有呢間餐廳講求既絕對係質素 重要嘅事情要講三次：質素 好質素 非常好嘅質素我哋叫咗半隻雞配椰子湯底 個湯底好足料有海底椰同埋新鮮粟米 配上新鮮嫩雞 令到個湯底好清甜 最窩心嘅係送餐嘅姐姐提醒我哋 雞最好分開兩次落 啲雞就唔會老 真係覺得好窩心肉類：日本黑豚肉真係好正 個人認為好食過平時食高級拉麵嘅豚肉 蒙古羊肉完全冇雪味 個羊肉羶得黎又香口丸：丸方面 我哋叫咗半份蟹子墨魚丸同埋芝士蝦丸個墨魚丸好彈牙同埋我第一次食蝦丸係有流心芝士真係好特別 招牌手打澳洲和牛丸一定要試如果鍾意食蛋黃醬嘅朋友必定要試下佢哋嘅 黃金炸響鈴 係用蛋黃醬黎炸 實在太脆了最後我哋嗌咗一份娃娃菜同埋稻庭烏冬同埋一楂餐廳自己煲嘅竹蔗茅根水 非常清甜解
首先「蘇潮韓海」真係要比100 個讚 唔係誇張 間餐廳環境非常好 座位舒服闊落 望出去個景真係好relax 同女朋友去一齊去食野影相打卡 真係無得頂 仲有呢間餐廳講求既絕對係質素 重要嘅事情要講三次：質素 好質素 非常好嘅質素
我哋叫咗半隻雞配椰子湯底 個湯底好足料
有海底椰同埋新鮮粟米 配上新鮮嫩雞 令到個湯底好清甜 最窩心嘅係送餐嘅姐姐提醒我哋 雞最好分開兩次落 啲雞就唔會老 真係覺得好窩心
肉類：
日本黑豚肉真係好正 個人認為好食過平時食高級拉麵嘅豚肉
蒙古羊肉完全冇雪味 個羊肉羶得黎又香口
丸：
丸方面 我哋叫咗半份蟹子墨魚丸同埋芝士蝦丸
個墨魚丸好彈牙同埋我第一次食蝦丸係有流心芝士真係好特別 招牌手打澳洲和牛丸一定要試
如果鍾意食蛋黃醬嘅朋友必定要試下佢哋嘅 黃金炸響鈴 係用蛋黃醬黎炸 實在太脆了
最後我哋嗌咗一份娃娃菜同埋稻庭烏冬同埋一楂餐廳自己煲嘅竹蔗茅根水 非常清甜解渴 啱晒咁啱生飛滋嘅😭🥲
冇諗過埋單嘅時候都有驚喜 就係送左兩杯haagen dazs雪糕 女朋友一聽到有雪糕食即刻好開心同心心眼
張貼
