茶屋達磨

營業中

休息中

先前睇到呢間嘅食物同裝修幾靚咁，就想試吓食。明白公眾假期人手唔夠，一場嚟到坪洲等耐少少唔緊要。不過話晒都俾咗百幾蚊食個lunch set，都希望有返啲質素。咁就嗌咗個牛肉烏冬＋鹽燒牛肉便當set，牛肉烏冬個湯好似打完邊爐咁、非常油膩，啲牛肉冇舊係完整、極之散，仲衰過我自己煮，完全冇$138嘅質素。至於杯嘢飲（抹茶鮮奶）抹茶粉勁多，得茶粉嘅苦，完全冇哂奶味。經過一輪洗禮之後，等左大概半個鐘，本店推薦嘅特色焦糖燉蛋，只能話係失敗品，完全冇蛋味、冇口感成攤泥咁。成餐都唔知食緊乜、成為最後$236埋單。