自家製西餅麵包專門店 (已結業)

尋日去左買提子scone,提子只得三粒,少得可憐,而且真係好細隻!!!最重要係非我鍾意既果種鬆餅質感,似是厚版牛油曲奇加鬆餅??係就係幾脆,可能係烘得乾身既關係,但對我黎講太乾了...總之個人口味問題,我覺得麻麻地啦,不過認同如果鍾意牛油香同脆身鬆餅既朋友,可能會鍾意!仲食左綠茶提子合桃法包,但一點綠茶味都食唔出,何解叫綠茶呢?合桃也太碎了,份量亦唔算多,反之有幾多提子,但感覺一般...最後仲有高纖麥軟包,呢個最好,淺色包身好香軟,而且有少量麥皮響面,同一般深色小麥包唔一樣,鍾意麥包既可以一試!