新記冰室

營業中

休息中

新記芝士麵一向都出名，今日同朋友決定發掘下其他野。卜卜蜆烏冬：個湯奶白色，一上台已經見到好多沙白。沙白滑得黎無咩沙，而且大大粒好鮮甜，而且個湯有巨量粟米同其他蔬菜煮成，非常真材實料，跟堆烏冬食成件事好有驚喜。朋友叫咗炸雞脾：雞脾生炸個外層十分脆口，一咬汁水流出黎，好有肉香。喺調味上個咸度岩岩好。炸薯條：份量十足，炸到卜卜脆，值得一讚既位係唔會油笠笠。另外點咗一杯外面少見既奶茶紅豆冰：奶茶好幼滑，茶味都好出，飲落茶味慢慢滲出黎。重點紅豆好棉，個量十足，一口接一口咁好滿足。好少可幾樣唔係招牌既，都十分出色。下次會再黎。