Gangnam OPPA (已結業)

同朋友一齊聚舊，黎左oppa呢度，認真，我班朋友都係韓粉之中的極品，點都要周圍試下唔同菜式的韓國，修煉成韓妹指日可待，呢個係一個吹水的好地方，仲有係log-on玩過的插插插，正名唔知係咩！玩味十足食物方法，我地點左D小食，價錢合理！原味炸雞(配薯條)$168 $90/half炸雞唔一定要同oppa食，哈哈！雞的外皮落的炸粉份量適中，唔會出現成口厚粉，好岩我口味。秘調調味好出色，同朋友簡直是拿不停手，食不停口，味道吸引到爆，加上香脆的口感，感覺是餓狼上身，不消15分鐘就清哂成碟了。我地仲另外叫左紫菜卷同埋鍋貼紫菜卷中間夾著韓國粉絲，一條搭一條，排序不錯，咬下去，口感林林地幾得意，加埋D配菜同埋秘製汁，和味得很，紫菜唔脆，但帶有一股紫菜香，整體滿意。鍋貼食得多，做法是把餃子煎香。這兒的外表黃金，外皮大力咬落去，感覺脆脆的，餡兒都好好食。買了一罐雪梨汁，細細罐的，味道很不錯，這個牌子是第一次飲，味道唔伏！