譽小館 (已易手) 新餐廳

呢間野唔係酒樓，但都有點心、粉麵、粥等等。同樣係有點心紙，點好落單就得。呢度茶$4位，幾平，唔好處係佢得一款茶，你冇得揀。今次叫左一盅飯（欠相）、雲吞牛筋腩撈麵（欠相）、牛肉腸、叉燒腸、蝦餃同牛肉球。盅飯既餸略嫌少左d，而牛筋腩麵我其實係樣牛筋多d，不過最後係牛腩多d。叉燒腸粉皮算薄，可以見到入面既涵，同埋都算足料。牛肉腸既皮就相對厚左d。蝦餃皮就厚左少少，但d蝦都幾爽口。牛肉球就唔會勁多粉，食落都係新鮮既。所以整體唔錯，全部野加埋$197。個人覺得去真正既酒樓飲抵d。