大喜屋 (已結業)

呢間位於尖沙咀A2出口嘅大喜屋，朋友帶我來吃過幾次lunch set，平平哋幾十蚊有埋麵豉湯，主食，飲品及甜品，啲嘢新鮮抵吃。而每每見到另一邊好多人吃嘅buffect，我都會諗，第二日得閒一定要試下。今日終於有時間來啦，未到12點上到來五樓，已經好多人排隊，好彩一早訂咗枱，所以一到12點就好快可以安排到座位畀我哋，仲要係窗邊，望着車水馬龍嘅彌敦道同埋對面的清真寺，好爽。香港又多一間可以用微信點餸嘅地方，又環保又方便，點咗好多嘢吃都冇漏單刺身點咗松葉蟹腳，三文魚，池魚王，劍魚腩，希靈魚，八爪魚，赤貝，北寄貝，象拔蚌，虎蝦，甜蝦等亲，真係多不勝數，吃完再encore，好快又送上，傳菜速度神速抵讚。特别推薦劍魚腩，軟腍腍口感好特别。另一推薦食物，迷你海膽手卷，海膽够鮮够甜，手卷細細件，可以吃多幾件。鹽燒海蝦，够香口，蝦肉彈牙冇得彈。燒菠蘿，好juice吖。燒香草羊鞍，大大件，啖啖肉襯埋香草吃得好滋味。焗蠔嘅醬汁酸酸甜甜惹味，而入邊啲蠔亦好大隻同埋鮮甜肥美。任飲嘅飲品及甜品包括馬卡龍及來自沖繩的海鹽雪糕為呢餐寫下完美句號。