滿粥順德粥底海鮮火鍋

營業中

休息中

又係新蒲崗之友時間！話說之前新年時，同家人想去試粥底火鍋，佢哋就响網上揀咗呢間，咁我哋一行7人昂首闊步咁去到，ohhh.....呢度空間實在狹小，坦白講，想坐得舒服既話還是唔好响度，尤其係有小朋友嘅就更麻煩~不過如果大人唔怕迫既話，呢度啲食材都ok既~呢個海鮮塔內既鮑魚都無乜特別，但隻貴妃蚌就唔錯喇，好鮮甜，不過唔係隻隻都咁大㗎~多寶魚亦係唔錯，好新鮮，你睇佢隻眼仲咁精靈就知啦～雖然蝦就無得添食，但一人都有2隻過你嘅~總結:服務跟得好足，但我哋額外叫咗個細桶蠔，一碟得3隻差唔多圍起上嚟廿幾三十蚊隻就貴啲咯…如果寫明得3隻就唔叫啦～至於個粥底…啲人成人講到幾咁鮮甜，或者我唔係一個特別鍾意食粥嘅人、又或是因為環境太狹窄搞到無乜心機，令到我覺得以二百幾三百一個人嘅價錢，係可以有好多其他選擇。