羅麥記 (荃新天地) (已結業)

今日想食下麵包磚焗飯，就諗起羅麥記，之前食過黑椒雞扒，番茄豬扒都OK，只係感覺非常飽。今日就試吓咖喱軟殼蟹。叫咗呢個咖喱軟殼蟹麵包磚焗飯，來到，軟殼蟹係渣到黑晒，放咗喺上邊，拎開軟殼蟹，下面係芝士咖喱飯，面頭有一堆油。軟殼蟹一拎起脆到腳都斷晒，一切開啲油流晒出嚟。試一啖入口勁腥勁油。之後唯有淨係食個咖喱飯同麵包，咖喱飯味道一般，不過咖喱汁唔多，食晒面頭嘅咖喱汁，下面嘅只係炒底飯。根本唔想食落去所以下次一定唔會叫呢個。