影片
更多
2019-05-25
186 瀏覽
正值一田大減價，掃完貨就同老公搵地方食晚飯。醒起早前喺Facebook留意到一間沾麵店，就在附近不遠處，一於去試下啦❗️去到嘅時候大約係晚上8點，門外有少少人龍，最後排了約30分鐘就被安排入座了。本身對沾麵不是特別喜歡，皆因覺得食法麻煩，似係拉麵分開湯同麵上而已。😅 又或者係因為之前冇食過好味嘅沾麵湯底～ 就算有些出名嘅沾麵店，個湯底係死咸味嘅，食完要飲1公升水...🤮 身為蕃茄愛好者，當然要試下呢碗紅卜卜嘅湯啦～而老公就點左魚介豚骨湯，食到一半我地交換食，咁就可以試哂兩種湯底味道喇～😁蕃茄湯望落去比較油，飲落去有蕃茄酸酸地嘅味道，中和左油膩感。麵條做得好彈牙，亦唔會痴埋哂一餅咁。流心蛋有點失色，蛋黃外圍有點過熟。而老公嗰碗魚介湯非常鮮味～好鐘意當中有少許柚子味，意外地同魚介湯好夾。食完麵之後店員會主動問需吾需要加湯飲，我地揀左加落魚介湯度，味道非常清甜～估唔到一碗沾麵嘅湯底係可以咁好飲！而且吾係味精湯嘅味道！🤤總捨黎講，以80蚊左右嘅價錢可以食到一碗質素高嘅沾麵（已包含流心蛋、兩片叉燒、筍、紫菜）簡直係荃灣人嘅福氣！將來黎開荃灣行街我都會再黎食！
本身對沾麵不是特別喜歡，皆因覺得食法麻煩，似係拉麵分開湯同麵上而已。😅 又或者係因為之前冇食過好味嘅沾麵湯底～ 就算有些出名嘅沾麵店，個湯底係死咸味嘅，食完要飲1公升水...🤮
身為蕃茄愛好者，當然要試下呢碗紅卜卜嘅湯啦～
而老公就點左魚介豚骨湯，食到一半我地交換食，咁就可以試哂兩種湯底味道喇～😁
蕃茄湯望落去比較油，飲落去有蕃茄酸酸地嘅味道，中和左油膩感。麵條做得好彈牙，亦唔會痴埋哂一餅咁。流心蛋有點失色，蛋黃外圍有點過熟。
而老公嗰碗魚介湯非常鮮味～好鐘意當中有少許柚子味，意外地同魚介湯好夾。食完麵之後店員會主動問需吾需要加湯飲，我地揀左加落魚介湯度，味道非常清甜～估唔到一碗沾麵嘅湯底係可以咁好飲！而且吾係味精湯嘅味道！🤤
總捨黎講，以80蚊左右嘅價錢可以食到一碗質素高嘅沾麵（已包含流心蛋、兩片叉燒、筍、紫菜）簡直係荃灣人嘅福氣！將來黎開荃灣行街我都會再黎食！
張貼
