影片
更多
2009-09-02
33 瀏覽
知道旺角新開左甜品舖，我呢個旺角地頭當然要去試下啦。!!!! 今日係中環食完飯就過左黎試啦，佢個位置都幾隱敝，唔係咁易見到，好彩我一早睇左佢既位置大概係邊。入到去唔駛等位，可能因為仲未係好多人識啦，但都7成滿架。佢安排左個勁近街口既位俾我，嘩，熱到爆! 好彩有人走佢肯即刻換個位俾我姐。佢有好多野都好特別好想試呀，奈何得兩個人，唔可以叫哂想食既野，唯有叫住 2 樣試下先，好食既留返下次再試啦。最後我地叫左一個心太軟伴雪糕同一個芒果梳乎里伴雪糕。佢雪糕有雲尼拿同朱古力揀，咁我地就要左各一啦。佢話要等 10-15 mins，係期間佢無啦啦擺低一碗白色既物體，咁佢又唔講係咩黎就走左。細問之下先知原來係送俾我地試食既，咁你送都要講聲架，如果唔係點知你做咩姐。試第一啖，嘩，勁甜，而且勁濃椰汁味，我相信佢無咩溝其他野，因為真係超濃味，有d一粒粒透明既，懷疑就係樓下所講既椰果子，不過甜左d，如果無咁甜應該更加好。之後主菜到啦，個梳乎里黎到勁香呀，真係垂涎欲滴呀，佢配芒果唔會好漏剛剛好，而且佢唔會話勁熱辣親個咀...哈哈，總之個texture好特別，雖然d芒果唔係勁新鮮勁甜，但唔酸都算係咁架啦。朱古力雪
入到去唔駛等位，可能因為仲未係好多人識啦，但都7成滿架。佢安排左個勁近街口既位俾我，嘩，熱到爆! 好彩有人走佢肯即刻換個位俾我姐。
佢有好多野都好特別好想試呀，奈何得兩個人，唔可以叫哂想食既野，唯有叫住 2 樣試下先，好食既留返下次再試啦。最後我地叫左一個心太軟伴雪糕同一個芒果梳乎里伴雪糕。佢雪糕有雲尼拿同朱古力揀，咁我地就要左各一啦。
佢話要等 10-15 mins，係期間佢無啦啦擺低一碗白色既物體，咁佢又唔講係咩黎就走左。細問之下先知原來係送俾我地試食既，咁你送都要講聲架，如果唔係點知你做咩姐。試第一啖，嘩，勁甜，而且勁濃椰汁味，我相信佢無咩溝其他野，因為真係超濃味，有d一粒粒透明既，懷疑就係樓下所講既椰果子，不過甜左d，如果無咁甜應該更加好。
之後主菜到啦，個梳乎里黎到勁香呀，真係垂涎欲滴呀，佢配芒果唔會好漏剛剛好，而且佢唔會話勁熱辣親個咀...哈哈，總之個texture好特別，雖然d芒果唔係勁新鮮勁甜，但唔酸都算係咁架啦。朱古力雪糕好味，不過勁快溶，食左幾啖已經變哂水。
之後心太軟都好好味呀，佢唔係話一叉就流哂出黎，但都ok啦，而且佢心太軟入面我食到d酸酸地類似berry定提子既物體，我都唔識形容，但個感覺幾特別。個雲尼拿雪糕又係好味，而且佢仲有d生果伴係側邊，等你可以清新下，真係唔錯。
我見d人食哂好耐坐係度傾計都無人理無人趕，咁都幾好呀，唔會催你走，不過佢遲d多客就好難講啦，anyway，我仲有幾款甜品想試，我會再黎架!
張貼