影片
更多
2017-06-03
109 瀏覽
鰂魚涌不經不覺地轉型了, 革命成功, 食店及酒吧林林總總, 開到成行成市, 吸引了很多高質量的廚師及大集團進駐, 聽朋友講 FRITES 的主打青口鍋味道很好,反正很久沒來鰂魚涌食飯, 為食妹又可出動了, 今晚就跟朋友出巡一次吧。FRITES 仿照傳統比利時啤酒屋設計, 裝潢歐陸式的古雅, 座位舒適, 燈光富情調, 很適合同 honey 黎飲杯酒, 談談情, 說說愛。被擺上酒吧枱的木刻女神, 神態自若。FRITES酒類很多, 結合了酒吧及餐廳兩大元素。早了到, 叫杯生啤飲住等朋友, 平日這裏的 happy hour 時段最抵飲, 多款精選香檳、生啤、葡萄酒及其他品牌酒類享半價優惠。Hoegaarden Rose ($140/500ml)Hoegaarden Normal 飲得多, Rose 就第一次飲, 香香甜甜的清新果味, 冰涼解渴, 味道比我預期好, 入口沒有那陣藥水味。Frites House Mussels ($245/0.5kg)青口鍋係 Frites 的招牌食品, 不可不試, 配薯條及法包。熱辣辣上枱, 散發著濃濃的牛油蒜頭香氣, 1/2kg 份量可真不少, 足夠2-3人
FRITES 仿照傳統比利時啤酒屋設計, 裝潢歐陸式的古雅, 座位舒適, 燈光富情調, 很適合同 honey 黎飲杯酒, 談談情, 說說愛。
被擺上酒吧枱的木刻女神, 神態自若。
FRITES酒類很多, 結合了酒吧及餐廳兩大元素。
早了到, 叫杯生啤飲住等朋友, 平日這裏的 happy hour 時段最抵飲, 多款精選香檳、生啤、葡萄酒及其他品牌酒類享半價優惠。
Hoegaarden Rose ($140/500ml)
Hoegaarden Normal 飲得多, Rose 就第一次飲, 香香甜甜的清新果味, 冰涼解渴, 味道比我預期好, 入口沒有那陣藥水味。
Frites House Mussels ($245/0.5kg)
青口鍋係 Frites 的招牌食品, 不可不試, 配薯條及法包。熱辣辣上枱, 散發著濃濃的牛油蒜頭香氣, 1/2kg 份量可真不少, 足夠2-3人食, 青口白汁以香草、洋蔥、白酒、 紅椒、蕃茄、忌廉及牛油等煮成, 白汁清香幼滑, 極之creamy, 屬於淡香型, 完全唔死鹹, 還帶點青口汁的天然海水鮮, 出色。
今日的青口Size較細, 但我喜歡這 size, 青口肉更嫩滑鮮美, 有時大青口會有些少筋, 靭靭地。
法包掃上牛油, 焗得極之脆口, 點些白汁及配料同吃, 滋味無窮。
薯條炸得乾身不油膩, 外脆內棉, 可以選擇點附送的蛋黃醬或青口白汁食, 個人覺得配蛋黃醬夾啲, 白汁就偏濕, 炸薯條還是乾身吃較香口。
Provence Lamb Cutlets ($295)
羊架8成瘦2成肥的黃金比例, 煎得焦香。
火候恰到好處, 羊肉色澤嫩紅, 但冇血水, 肉質嫩滑酥香, 廚師只以少量香草及海鹽調味, 至於羊扒底下的炒洋蔥、青豆、生菜及煎薯仔則略嫌油膩, 可能羊扒的油全部都瀉到底下的配菜, 投降。
Sole Meuniere ($295)
原條比目魚上, 朋友係魚痴, 勁開心, 佢話未試過食咁大條嘅比目魚, 看看跟叉子的比列便知有多大條。
比目魚外層煎得香脆, 魚肉卻非常嫩滑, 由於魚身厚度足夠, 魚汁得以保存, 整條魚蓋滿了清新的香草牛油汁, 再揤埋檸檬汁, 清香而不搶味, 魚肉食落唔腥, 配菜是較清淡的薯仔、西蘭花及藍青口, 減緊肥既朋友也不怕肥, 我家的朋友仔今晚不知食得幾開懷滿足呢。
好少食比利時菜, 今次係第一次係香港食, 感覺不錯, 青口鍋既好食又特別, 值得一試, 外藉服務員真的非常 nice, 笑容滿面, feel到我英文水準好一般, 說話也自動調節到讓我跟得上的速度, thank you。
張貼
