小洋蔥 (已結業)

本來心情好，去到立即感覺極差。明白人手應該係唔夠，目測係四個人，除左reception 果個之外，其他幾個全部目無表情，一個黎抹台，有d食物抹落張「鄧」，叫佢抹，好似阻住佢咁，簡單掃兩下就連除問落得單未；另一個送咖啡被一個食客撞到下，嘩，佢對眼噴火咁啤住個客，好野佢又冇出聲，只係啤，行開左回頭繼續啤；我地叫杯熱奶茶，佢用紙杯上，我估佢洗唔切瓦杯，但又係冇解釋，感覺就係唔好咯。炒蛋係涷嘅，食物味道一般啦，蕃咖通撈到條橙色膠包裝紙。離開後嘅諗法係：冇下次，希望映灣園快d有新嘅餐廳選擇！