新東王 (已結業)

想幫襯新東王好耐喇💛鋪位偏細 我地一家三口平日夜晚去要等一陣位~~講下食左咩啦💁🏽‍♀️招牌牛肉麵 ($58)紅燒牛三寶 ($68)三寶之中 我覺得做得最出色既都係牛肉👍🏽 軟稔又入味 果然係招牌!! 無論係蘿蔔定係紅蘿蔔都好清甜入味 又無渣~~食台灣麵會配溏心蛋 有點驚喜👍🏽肉類同配菜份量唔少 滿滿咁鋪喺麵上面 抵啊!台式拌麵 配手工餃 ($42)手工餃🥟入面係純肉餡 湯料有既配料撈麵都有~~相對無咁特別 我都係建議試牛肉/三寶麵多d!我地三個都有加小食套餐💁🏽‍♀️麻吉燒(兩件) + 飲品 (+$15)平時我都係打邊爐先會有可能食到麻吉燒而呢個麻吉燒真係燒架 而唔係烚完放落麵度 有誠意!!鹽酥雞(十粒) + 飲品 (+$20)炸漿唔厚 細細粒好香口! 喺出面單點鹽酥雞一定唔係呢個價 呢度仲要包飲品 抵啊👍🏽小籠湯包(三粒) + 飲品 (+$28)台式小籠包既皮比上海厚身 但唔會太厚湯汁一樣多!飲品都有幾多選擇 有台式飲品又有汽水🥤(左) 白桃優格 (+$5)(右) 熱冬瓜茶優格無咩白桃味 只有甜味冬瓜茶幾香 略嫌甜左少少~整體黎講💁🏽‍♀️新東王比起同區連鎖式台灣菜餐廳茶X抵食好多👍🏽