新東王 (已結業)

得閒都會幫襯小店，但呢間小店較為遠，用平台訂外賣自取都唔貴。前後叫過兩次外賣，一齊寫下吧。招牌牛肉麵 ＄60牛肉都俾得好多件，大大舊，牛味都濃，係略為實左少少。台灣麵夠厚身煙韌，湯帶少許辣味都唔曾。台式拌麵 ＄45乾拌麵無乜特別。古早味魯肉飯 ＄38好多肉碎舖滿飯面，仲有半隻溏心蛋，味道對板，四十蚊有找價錢唔洗要求咁多。煎餃子＄15普普通通的煎餃子。鹽酥雞 ＄20追加小食優惠加二十蚊一份，炸粉都幾多，肉仔細細粒。手工芋圓配仙草凍 ＄30芋圓煙煙韌，仙草份量都多，配上椰汁糖水，甜品不錯。

裝修過後的新東王，雖然舖頭牌匾仲係寫新東王，但從外觀上，望落基本上同新餐廳冇分別馬鞍山作為美食沙漠，新東王俾馬鞍山人嘅印象係沙漠中的清泉，但此光景似乎不再今次試咗4樣食物：牛肉麵，麻醬雞絲拌麵，豆漿珍珠，同以前嘅名物芋圓牛肉麵嘅牛肉，由以前嘅牛肋條，變成烹煮難度低極多嘅牛展。見到之後，基本上已經唔求牛肉有香濃肉味。再者，湯底係非常唔台式嘅青紅蘿蔔湯味，令我諗起以前旺角區有間話自己好難食嘅牛肉麵，但比嗰間餐廳整得更差更難食麻醬雞絲拌麵，因為冇湯，所以更講求麵質，亦更突顯麵質之差：基本上一夾即斷，而且毫無麵的咬口，非常的差豆漿珍珠，豆漿嘅味道基本上係超市貨色，珍珠就一pat pat，而且毫無味道杯上的「豬頭」字樣亦似乎話緊我知呢間唔再係以前嗰間，珍珠係Q彈同濃濃黑糖味嘅新東王芋圓，睇相都知中伏同以前粒粒都有淡淡紫薯，蕃薯，芋頭味嘅芋圓，呢碗嘅芋圓就只係3隻色嘅粉團仲有，粉團咬落有怪味，中間亦有明顯粉狀質感，似乎廚師連煮透一樣食物都唔太識總括而言，唔好晒錢入去試，伏嚟

話說前排想去新東王，結果裝修隔咗一排，今日終於得閒，走左去食行到門口，見到貼左A4紙印住新東王，但係招牌改左，不過唔理照入入到去總共叫咗4樣野，牛肉麵，冬瓜茶，宜蘭怱餡餅同愛玉凍首先嚟既係冬瓜茶，幾大杯，味道清甜之後嚟既係愛玉凍，嚟到以為比錯野，同之前既愛玉凍分別好大，未裝修之既愛玉凍份量足，材料豐富，依家既愛玉凍就淨係加左啲爆珠同棷果，檸檬味，價錢同之前一樣$30，如果知道係咁一定唔會叫，同埋之前叫一定會問後上定依家上，依家就問都唔問直接上再嚟係牛肉麵，嚟到全部都係牛展，一舊牛肉都無，如果話牛展係牛肉既一部分都算係既，葱花全部換晒做咸菜，無咗半粒蛋，湯同麵就無咩點變。最後嚟既係宜蘭葱餡餅，首先要表明我未係出面食過呢隻餅，只係提味道既話我只可以講同我食薑怱豬肉水餃一樣，無分別，同埋個餅入面唔係充滿肉汁，而係充滿湯汁就更加似食水餃食咗$118，除咗飲品跟餐平幾蚊，其他無優惠同無套餐叫最後裝修過後既新東王整體質素都下降左，可能頂咗手或其他原因。

早前入去被譽為美食沙漠嘅馬鞍山，果然，看得上眼嘅選擇真係唔多😐，揀來揀去，最後決定試下新東王。叫咗招牌牛肉麵套餐，配甜不辣同冬瓜茶。呢度嘅牛肉麵最大嘅特色係比較多蔬菜，除咗紅白蘿蔔之外仲有小棠菜，兩款蘿蔔夠甜夠腍，好食，加上湯底清淡少油，感覺較為健康。牛肉厚切有咬口，炆得都夠腍，唔錯，仲有粒牛丸，算係少少驚喜。隻蛋就一般，既唔太流心，亦冇乜滷水 / 醬油味，普通蛋半隻。至於甜不辣同冬瓜茶就正常水準。食完呢個套餐，感覺頗滿足😙。

星期六訓到12點半先有意識，唔想自己煮，屋企都無咩材料煮，又到左叫外賣時間今日有啲涼，想食湯麵，打開某個外賣平台Application，揀湯麵第一個結果就係新東王啦。叫左個2人餐，包兩個主食，揀左招牌台式牛肉麵同埋脆炸吉列豬扒肉燥飯，2人餐會包兩個小食，揀左3隻餃子同埋台式蒜味一口腸，跟兩杯飲品，另外加錢要多個10粒鹽酥雞～樣樣都幾好味，牛肉質素有驚喜，流心蛋都幾好唯有可以改善嘅係小食個份量既然唔多，係咪可以考慮將餃子同埋台式蒜味腸放同一個盒呢?

下午3點先去搵食，店內已經無其他食客，店員服務不單有禮，仲非常窩心。安排入座後自行QR code落單，店員主動講聲:「一陣職員落場會用膳，你不受影響，慢慢食，有需要隨時叫我就可以。」聽到真的巧滾動。

又係每週一次的肉燥飯日🤪之前食過呢度嘅牛肉麵，味道濃郁，加上有細碗版淨肉燥飯，同小朋大一人一份的今次可惜因為唔太肚餓，所以決定同小朋友分享大碗肉燥飯，揀左脆炸豬扒肉燥飯套餐，配小食-秋葵沙律🥗豬扒脆漿適中，炸得香脆而又不乾身，肉燥較坊間的大粒，遺憾嘅係 秋葵沙律份量有點少，下次可能試下其他糖心蛋更是我的至愛追加一份鹽酥雞，酥脆香口少不了小朋友同我都好鍾意的 黑糖珍珠鮮奶一定要提嘅係，店員好有禮貌，亦都好親切

以往馬鞍山是美食沙漠, 但呢幾年進駐了很多唔同特色的餐廳, 供食客多些選擇。今日經過見到呢間小店好有台灣味道,  但坐位不多, 只有3,4張枱同6個bar 位左右, 繁忙時間可能要排隊。今次點了招牌牛肉麵套餐, 可選一款小食同飲品, 非常抵食!最喜歡台灣菜有滿滿的配菜, 有流心蛋, 胡蘿蔔, 白蘿蔔, 感覺比較健康, 最驚喜是有粒牛丸, 非常juicy~湯底濃郁，牛腩炆得夠時間, 香濃軟淋, 容易入口, 而且麵質彈牙，冬瓜茶亦夠甜, 好飲!整體都算唔錯, 會再來食這台灣小店的! 

今日唔想煮就落街食本身想食嗰間舖頭有人排隊，所以我哋就轉到新東王。我地都幾鍾意食呢一間嘅，所以都開心我哋點了。。炸豬扒肉燥飯肉燥油麥菜冬瓜茶麻辣鴨血冬粉台灣腸紫米香芋牛奶肉燥唔係肥膏，係瘦肉嚟。Good😁炸豬排，香脆。麻辣鴨血冬粉，夠味但唔太辣，我都食到！冇咩人，坐得好舒服。下次再食過

平民小店feel但嘢食唔錯叫咗炸豬排飯 鹽酥雞 台灣腸 芋圓糖水豬同雞都炸得幾好 feel到係即炸 乾身冇油台腸份量有啲少 但好食最後係個糖水差咁啲 有啲淡另外店員招呼幾好 家的感覺

嬲爆咯呢間野一碟小食28蚊四條台灣腸，平均七蚊一條，本身唔抵都算，但一條同手指公咁大有冇搞錯，論味道又一般般，又唔脆，肥肉又唔多，叫咩台灣腸。38蚊滷肉飯啲肉碎同汁係完全無味ge， 醃蘿蔔又冇醃蘿蔔味，整得好似一舊浸咗好耐醋所以變酸嘅甜菜。煎餃普通水準，似係買supermarket啲速食餃子現成煎嘅味道。總之整體體驗極極極極極差。大家千其唔好食，超級唔抵。唔要求佢係完全正宗嘅台灣菜，但至少要係好食啊大佬

今日偶爾既機會下尼到新東王試下食台灣野～分別試左兩個飯同埋愛玉甜品招牌肉燥飯比較乾，唔夠多汁，但係用既肥肉都算岩岩好，流心蛋都煮得岩岩好，如果多d汁就一流。至於個蘋果咖喱雞肉都算可以，味道唔算好特別，但真係有少少蘋果香，可以一試最欣賞既莫過於愛玉甜品，椰汁味香濃之餘愛玉份量十足，兩個人食都綽綽有餘店員服務用心，有機會都會再幫襯

今次係第二次幫趁你。店員好好禮貌， 冷氣壞左一部， 出面掛左準備牌，比我地check 過環境先同我地落單，不停講唔好意思， 又主動幫我地轉位， good.但係杯珍珠奶茶真係唔掂， 雖然有少少茶香，低係就淡然冇味， 好似一杯開稀左兩杯咁。但係個牛個個面湯底又係好淡味蘿蔔好好味， 但係唔該刨皮刨深d, 好似冇刨過咁， 成口渣。整體來講， 所有食材都係好的， 牛肉面既牛肉，蘿蔔， 珍珠 都係好好味的， 只係埋門一脚踢左出街咁。我會再黎， 不過請你加油。冷氣壞，扣兩星

難得放假去完烏溪沙沙灘睇日落，順便係附近食野，今日揀左好多人排隊既台灣餐廳新東王。我地叫左紅燒牛三寶台灣麵，古早味滷肉飯，台灣腸，鹽酥雞，甜品要左芋圓仙草凍，飲品要左烏龍茶同珍珠奶茶。台灣湯底都濃郁，麵質都可以，最出色係個牛丸，牛味勁濃仲要有肉汁好好食，台灣腸無乜特別，鹽酥雞好食好多，雞肉唔柴，味道濃，好味，滷肉飯中規中矩份量都ok，飲品方面烏龍茶唔會太濃幾好。但珍珠奶茶的奶味太濃蓋哂茶香同埋珍珠比較硬，反而芋圓仙草凍既珍珠係軟啲，芋圓仙草都好味唔會硬加埋椰汁好好味。總結今餐係豐滿好味的。

肉操飯一啲味都冇淡茂茂落咗好多豉油 先救到😰啲肉操又嚡十十 好似湯渣咁脆豬扒鬆脆好食😋服務態度不錯👍🏾不過埋單嘅時候 同返個店員講 話肉操無味個店員好似未瞓醒咁呆左 答我「哦 」希望可以改善下啲肉操