漢城美食 (已結業)

成日睇韓劇見人地食啲黑麻麻既炸醬麵，好似好滋味咁，自己去韓國又冇機會試，難得香港有咁地道既食肆，就黎試下啦！星期六午飯時間人唔多，裝修過後既舖面光鮮好多哩！原本以為可以用下韓文點菜，點知個待應竟然係菲律賓人而且餐牌圖文並茂，唔使講野都得喇！唔算好餓，我地叫左兩款食物：1)炸醬麵(煙靱既麵身好有嚼勁，配上黑色既甜麵醬，味道唔錯。洋葱亦好易入口，唔多食洋葱既我都覺得可以。唯一不足係唔多夠熱喇！)2)辣年糕辛辣麵(傳統韓式辣年糕味帶甜，幾惹味，但都好辣下)總括黎講好唔好食就見仁見智，但的確係好有韓國特式，簡簡單單唔造作，令人感覺去左韓國一樣哩！店內洗手間要上閣樓，好特別哩！