梨滿園韓國料理 (已結業)

其中一間香港嘅韓燒最喜歡嘅就係佢。喺樂富開咗分店，樂富都係個幾舒服嘅地方。同旺角嘅質素幾乎都係咁高質，先來嘅當然就係小菜啦。呢度嘅泡菜同埋魚仔都好好味㗎，尤其是魚仔平均每次都係食一碟，泡菜攞嚟包埋係菜同燒肉食都好好味。其實我自己呢好唔鍾意食五花籃因為好似食緊自己嘅肚腩。呢度嘅五花腩好好味㗎。厚度十足，味道濃郁。講到尾最緊要嘅都係要搵一個識燒嘅人。另外一個必點嘅就係牛仔骨，製過嘅牛仔骨味道香濃，肉同脂肪嘅分布比例平均。最重要係分量超多。我比較少食雞但係朋友呢就推薦呢一度嘅雞，試過之後真係發現幾滑個喎。味道調亦都十分之好唔會太咸。每次你呢都會食新鮮帶子因為呢度嘅帶子係煮極都唔會細㗎！食落去係有種似係高級西式餐廳食嘅帶子嘅感覺。今次叫嘅就係呢個海鮮拼盤有魷魚帶子同埋大蝦，計落呢就平過就咁叫帶子而且可以有多啲選擇！唔少得每次一定要點嘅就係呢度嘅水冷麵我覺得啲一度嘅水冷麵係香港首屈一指㗎啦！食完之後就將之前食過嘅熱氣野通通帶走。正！雖然旺角同樂富對於我來講都好遠，但係呢如果要來食韓燒我都一定會過嚟㗎。價錢扺，最重要係肉類質素好高！