影片
更多
2023-03-16
761 瀏覽
👍🏻韓國辣燉雞湯 $290/2人份新開冇耐嘅韓國餐廳，由正宗韓國人主理，當日lunch去到見到唔少韓國人嚟幫襯😯招牌主打韓國正宗辣燉雞湯，見隔離幾枱韓國人都係嗌呢個，另外有專為香港人而設唔辣版本食法都幾講究，上枱時燉雞已經煮熟，再放爐上滾熱滾起時先夾少少蒜蓉放入秘製醬汁度，再攪勻剩餘嘅大量蒜蓉溶入湯中🤪湯底蒜味非常濃郁，同時亦食到辣椒味，但辣度較溫和唔刺激，係香港人都接受到嘅程度😙食開辣人士甚至可能覺得唔夠辣，但整體調味係好食的，個湯都可以飲埋，唔會太鹹太濃味好口渴建議可以先試吓本身嘅辣味，覺得唔夠辣先叫店員加辣椒粉都得-除咗雞肉外，配料仲有年糕、薯仔、蔥段等老闆娘教路依次序先食年糕、雞肉，薯仔最後滾到入晒味先食😛雞皮比較腍身，雞肉就唔算好嫩滑，始終一路滾住雞肉醃料調味唔算好重，跟個人口味可以點蒜蓉醬汁，鹹中帶酸，或者連住湯一齊食又得😜年糕同薯仔就正常發揮二人份量嘅雞件都幾多，胸背髀翼所有部位都有，大大舊唔會斬到太碎，都幾厚肉二至三人食都OK，可以嗌下其他配料或者小食另外我地加咗個韓式拉麵+$30，雖然只係公仔麵好似有啲唔抵咁但放入去又的確超級夾，勁索湯好正🥹！不過要注意雞湯滾起會非常
新開冇耐嘅韓國餐廳，由正宗韓國人主理，當日lunch去到見到唔少韓國人嚟幫襯😯
招牌主打韓國正宗辣燉雞湯，見隔離幾枱韓國人都係嗌呢個，另外有專為香港人而設唔辣版本
食法都幾講究，上枱時燉雞已經煮熟，再放爐上滾熱
滾起時先夾少少蒜蓉放入秘製醬汁度，再攪勻剩餘嘅大量蒜蓉溶入湯中🤪
湯底蒜味非常濃郁，同時亦食到辣椒味，但辣度較溫和唔刺激，係香港人都接受到嘅程度😙
食開辣人士甚至可能覺得唔夠辣，但整體調味係好食的，個湯都可以飲埋，唔會太鹹太濃味好口渴
建議可以先試吓本身嘅辣味，覺得唔夠辣先叫店員加辣椒粉都得
辣炖雞湯
$290
21 瀏覽
0 讚好
0 留言
-
除咗雞肉外，配料仲有年糕、薯仔、蔥段等
老闆娘教路依次序先食年糕、雞肉，薯仔最後滾到入晒味先食😛
雞皮比較腍身，雞肉就唔算好嫩滑，始終一路滾住
雞肉醃料調味唔算好重，跟個人口味可以點蒜蓉醬汁，鹹中帶酸，或者連住湯一齊食又得😜
年糕同薯仔就正常發揮
二人份量嘅雞件都幾多，胸背髀翼所有部位都有，大大舊唔會斬到太碎，都幾厚肉
二至三人食都OK，可以嗌下其他配料或者小食
另外我地加咗個韓式拉麵+$30，雖然只係公仔麵好似有啲唔抵咁
但放入去又的確超級夾，勁索湯好正🥹！
不過要注意雞湯滾起會非常彈汁，好易整污糟，餐廳有提供膠圍裙，記得著定先🤣
味道：8/10
性價比：8/10
-
👍🏻芝士炒飯 $50
係用返本身辣燉雞湯嘅鍋嚟炒飯，所以食完雞湯先會上菜
炒飯加入辣燉雞湯、大量紫菜、少量芽菜一齊炒
芝士鋪係面頭，攬勻後芝士拉晒絲😈
芝士味就唔算好濃，反而食到辣雞湯嘅味道，微微辣同蒜香味
雖然一人份量，但食完真係好有罪惡感🤰🏻
味道：7/10
性價比：7/10
芝士炒飯
$50
39 瀏覽
0 讚好
0 留言
-
👍🏻泡菜煎餅 $70
煎餅即叫即煎，熱辣辣上枱，邊位微脆中間軟心，唔會好重粉團感
入口先係一陣薑味，後勁滲出泡菜味，酸酸地微辣
泡菜塊大細適中有咬口，整體都唔會太油膩
味道：8/10
性價比：8/10
泡菜煎餅
$70
16 瀏覽
0 讚好
0 留言
-
👍🏻韓式糖餅 $50
第一次食糖餅🫢同樣係即叫即整熱辣辣
外皮微脆，咬落煙煙韌韌，有啲似年糕嘅感覺
中間黑糖漿有淡淡肉桂味，甜度適中，不過作為飯後甜品都幾飽肚
細食人士真係每人食半塊都夠🤣
味道：7/10
性價比：7/10
韓式糖餅
$50
40 瀏覽
0 讚好
0 留言
-
📍#鐘路雞林辣炖雞湯元祖 @jongrokelim1965
銅鑼灣耀華街3號百樂中心7樓
張貼
