影片
更多
2023-05-13
32 瀏覽
呢間吉列牛忌廉烏冬專門店好似喺香港已經開咗好一段時間😂一直話想試想試但一直都未去🫣🤣成日都好好奇佢個咖喱忌廉烏冬係咩味！呢日喺旺角行完街終於得閒去食～🌟吉列牛定食配 雞肉咖喱忌廉烏冬套餐 $256呢個二人餐包咗吉列牛定食、細嘅雞肉咖喱忌廉烏冬同兩杯汽水🥤其實都幾抵！吉列牛定食包咗大大塊嘅吉列牛、小漬物、白飯同麵豉湯😋吉列牛色澤偏深紅，望落偏瘦冇乜脂肪嘅紋理，外層包上薄薄嘅麵包槺～餐廳會提供迷你石燒爐，可以自行將吉列牛燒成想要嘅生熟度😉我哋燒到五成熟左右，外層酥脆，牛肉雖然唔算肥美，但食落肉質都好淋唔會韌，不過肉味就唔算好出😳另外可以點芥末醬或者柚子醋，反而令牛肉更惹味～雞肉咖喱忌廉烏冬方面，細烏冬其實已經好大碗😯😂兩個人share係啱啱好！烏冬上面白雪雪嘅忌廉多到淹沒哂成碗烏冬😂忌廉食落鹹鹹地好似奶蓋咁！幾特別😆下面就係滿滿嘅咖喱烏冬，每條烏冬都掛滿咖喱醬，食落去烏冬煙韌軟糯，咖喱偏甜唔會辣～啱哂食唔到辣嘅寶寶🤫仲有粒粒雞肉添～忌廉撈埋烏冬一齊食會變得更加creamy😚比想像中好食🤤🌟Kobekyu牛油蜜糖單骨雞翼🧈 $68幾鍾意呢個單骨雞翼🥰份量好多，好似都有9-10件！而且雖然單骨
🌟吉列牛定食配 雞肉咖喱忌廉烏冬套餐 $256
呢個二人餐包咗吉列牛定食、細嘅雞肉咖喱忌廉烏冬同兩杯汽水🥤其實都幾抵！
吉列牛定食包咗大大塊嘅吉列牛、小漬物、白飯同麵豉湯😋吉列牛色澤偏深紅，望落偏瘦冇乜脂肪嘅紋理，外層包上薄薄嘅麵包槺～餐廳會提供迷你石燒爐，可以自行將吉列牛燒成想要嘅生熟度😉我哋燒到五成熟左右，外層酥脆，牛肉雖然唔算肥美，但食落肉質都好淋唔會韌，不過肉味就唔算好出😳另外可以點芥末醬或者柚子醋，反而令牛肉更惹味～
雞肉咖喱忌廉烏冬方面，細烏冬其實已經好大碗😯😂兩個人share係啱啱好！烏冬上面白雪雪嘅忌廉多到淹沒哂成碗烏冬😂忌廉食落鹹鹹地好似奶蓋咁！幾特別😆下面就係滿滿嘅咖喱烏冬，每條烏冬都掛滿咖喱醬，食落去烏冬煙韌軟糯，咖喱偏甜唔會辣～啱哂食唔到辣嘅寶寶🤫仲有粒粒雞肉添～忌廉撈埋烏冬一齊食會變得更加creamy😚比想像中好食🤤
🌟Kobekyu牛油蜜糖單骨雞翼🧈 $68
幾鍾意呢個單骨雞翼🥰份量好多，好似都有9-10件！而且雖然單骨，但每件都大大隻好多肉～炸皮又唔算厚，每隻雞翼都沾滿咗牛油蜜糖醬，食落甜甜地好滋味😋
🌟牛舌雞肉串 $40
好似冇食過呢個組合😂😂🫣牛舌愛好者嘅我就試下佢！雞肉打得好彈牙，而且調味啱啱好，上面仲灑滿孜然粉，幾惹味～不過就唔太食到牛舌嘅存在🥹淨係食到有啲野喺入面幾爽口咁haha😂
🌟抹茶Latte🍵 $45
呢杯latte好飲！奶味好出好濃厚，茶味唔算好濃，但仍然有淡淡抹茶甘香，上面仲擠滿咗邪惡嘅忌廉😈正呀～
總結～覺得佢哋嘅忌廉烏冬比吉列牛更出色😛幾特別同埋味道不錯😋不過記得必食蜜糖單骨雞翼！
回頭率：❤️❤️❤️❤️ (5個❤️為滿分)
加一服務費：✅
📍地址：吉列牛忌廉烏冬專門店 (彌敦道) (旺角)
旺角彌敦道726號17樓
張貼
