吉列牛忌廉烏冬專門店 (彌敦道) (已結業)

呢間餐廳其實都聽過好耐，喺韓國嗰邊過江龍咁樣開過嚟，之前佢哋嘅忌廉烏冬麵真係好紅，但係我一直都未有機會試，今日經過旺角，就決定入嚟試吓，入到嚟第一感覺就係呢度都幾大間，雖然好多人但都坐得好舒服，燈光亦都好足夠，睇埋餐牌先知原來呢度有啲吉列牛都好出名！我哋叫咗個二人套餐，包吉列牛定食，同個咖喱忌廉烏冬，另外都包唔多兩罐汽水，都係$256。最後要多咗個牛油蜜糖單骨雞翼，醬汁好好食，甜甜地，好有韓國風味！單骨雞翼真係好無敵，好方便就可以啖啖肉咁樣享受！個咖喱忌廉烏冬雖然好creamy，但係食完又唔會太滯。個吉列牛定食就係可以自己燒，自己控制得到煮幾成熟，再加埋佢一set小拼盤，賣相都好靚！唔怪得知呢度咁多人！