Chicken Pocha (已結業)

呢間位於德士古道麥當勞後面嘅一間韓國小店, 雖然舖面細細, 但係佢嘅炸雞真係呢間舖嘅主打, 淨係炸雞都有七款比你揀, 有淨係炸雞, 燒雞, 辣味炸雞, 香蔥炸雞, 醬油炸雞等。。。 之前試過醃醬辣味炸雞, 同埋原味炸雞, 兩個都好好食! 我比較鍾意食辣, 所以覺得佢嘅醃醬辣味炸雞好好食 有啲款仲有半隻或者一隻比你揀。每次叫嘢食都會有一碟醃酸蘿蔔, 泡菜跟比你, 泡菜好好食, 可能外賣關係, 但份量比較少。呢個就係原味炸雞, 佢嘅粉漿唔係好厚, 炸到啱啱好,熱辣辣的, 雞肉仲有好多肉汁我好鍾意食年糕嗰種煙煙韌韌嘅感覺, 所以叫咗呢個 芝士泡菜炒辣年糕 啲芝士可以拉絲拉得好長㗎份量都好多!呢個炸韭菜餃普通咗啲, 冇乜特別叫咗個紫菜飯卷, 因為怕唔夠飽, 但係呢個紫菜飯卷就麻麻喇, 比起出面買嗰啲差咗少少, 不過35蚊咁嘅價錢仲想點