微笑韓國料理 (已結業)

經常黎藍馬商業大廈搵食，留意到有間新既韓國野，即時黎試試。辣海鮮魚糕湯 ($268)食韓國野就會好想叫辣豆腐湯之類，呢度既辣海鮮魚糕湯同想像中唔係好同，味道係高湯為主調，再加左大量辣粉，幾鮮甜。 魚糕湯真係名副其實有海量魚糕，除左比較常見既一片片薄魚糕之外，仲有圓型、星型等較厚似魚腐既新鮮魚糕，仲有蝦同青口，幾足料。海鮮炸醬麵 ($148)曾經係韓國街食過苦既炸醬麵留下陰影，呢度既炸醬麵完全唔會苦，係好易入口既味道，鐵板上香噴噴。  幾鐘意有大量洋蔥粒幾香口，略嫌麵條兩個人分唔係好夠，想加多個麵黎撈汁。鋪頭裝修都幾高檔，尤其鐘意個歌list係最新最hit既韓文歌，又有韓國客人，幾好feel。