韓星星韓國料理 (已結業)

成日午市黎到都冇位。今次好彩等左陣就有位。不過位與位之間比較迫。見到佢加左價。普遍由$6x加到$7x。價錢喺同區都仲算係接受範圍。餐廳午餐有好多種類選擇。前菜亦都有好多款。有時會有驚喜。每次黎俾前菜嘅數量都唔同。要睇侍應心情。上完前菜發現冇kimchi。諗住同侍應換。不過佢轉頭就拎多左碟kimchi過黎。次次黎都係食豆腐海鮮雜錦鍋少辣。今次個少辣真係好少辣。個湯紅都唔紅。🤣不過反而飲到個湯底本身嘅海鮮味。依然好味。豆腐係盒裝豆腐。正常地好滑。湯入面仲有蜆蝦魷魚金菇翠玉瓜。好足料。成個鍋配白飯一流。