DOJE (已結業)

唔知大家中秋節又有咩搞作呢🤣 前日經過musea food court發現k food town推咗個新嘅中秋節限定menu～ 小店由韓國人主理，提供多款地道又特色嘅韓式料理，從主食，小食到甜點應有盡有，而且價錢十分親民化，好值得一試🤤水果壽司真係第一次見，賣相100分，未食已經流口水😆 無花果、香蕉朱古力、奇異果士多啤梨、提子、火龍果西瓜、牛油果檸檬、菠蘿椰子、蜜桃，全部新鮮又juicy，腐皮甜甜地，配上軟糯嘅飯粒真係出奇地夾☺️主食選擇眾多，和飯配料分別有炒大腸、烤牛肉、蛋黃醬炸雞，炭烤/炒泡菜/辣炒豬肉，個人最鍾意牛肉，經典之選，入味又juicy而且食落唔嚡！拉麵反而有驚喜，彈牙得嚟帶點煙煙韌韌嘅口感，配菜有牛肉同海鮮，兩款都幾match～ 私心推介呢度嘅粥品，口味選擇超級豐富，雜錦海鮮、營養雞、蘑菇蔬菜、白玉南瓜、辣泡菜，真係諗得出嘅都有，又綿又滑，營養豐富，配菜好融，大人小朋友都啱食，個人喜歡南瓜口味，香氣四溢，甜甜蜜蜜，濃稠度適中，正😍小朋友最鐘意係小食，因為夠邪惡，炸年糕串、炸紫菜粉絲卷、甜薯塊、南瓜條、炸雞，全部炸至金黃色，粉唔厚，而且食落都唔會覺得好油膩，炸雞賣相吸引，